23 Qarasha, 2021 NEWS
Foto: Aqtóbe oblysy ákiminiń baspasóz qyzmeti
23 qarasha kúni Aqtóbe oblysynyń ákimdiginde óńir basshysy Ońdasyn Orazalınniń tóraǵalyǵymen apparattyq jınalys ótti.
Jıynǵa Aqtóbe qalasy men aýdan ákimderi, barlyq basqarmalardyń basshylary qatysty.
Jıyn kezinde aldymen óńirdegi sanıtarlyq-epıdemıologııalyq jaǵdaı qaraldy.
Oblys ákimi turaqty sanıtarlyq-epıdemıologııalyq jaǵdaıǵa qaramastan sanıtarlyq talap sharalarynyń saqtalýyn jappaı qamtamasyz etýdi jalǵastyryp, halyqqa ekpe salý qarqynyn jandandyrýdy qajet ekenin atap ótti.
Budan bólek, oblystyń bıylǵy jylǵa arnalǵan áleýmettik-ekonomıkalyq damýynyń aldyn ala qorytyndysy, bıýdjettiń ıgerilýi men Aqtóbe qalasy boıynsha «Nur Otan» partııasynyń saılaýaldy baǵdarlamasynyń Jol kartasynyń júzege asyrylýy qaraldy.
Oblys ákimi óńirdiń áleýmettik-ekonomıkalyq damýynyń mańyzdy maqsatty ındıkatorlarynyń qorytyndysy boıynsha jetistikterge baılanysty birqatar tapsyrmalar berdi.
Ońdasyn Orazalın: «Bizdiń mindetimiz — jyl qorytyndysy boıynsha Memleket basshysynyń, Úkimettiń halyqtyń ál-aýqatyn jaqsartýǵa baǵyttalǵan tapsyrmalaryn oryndaý úshin barlyq rezervterdi paıdalaný»,- dep atap ótti.
Aqtóbe oblysy ákiminiń baspasóz qyzmeti
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir