• USD 429.57

  • EUR 447.35

  • RUB 6.94

  • CNY 63.23

17 Mamyr, 06:16:00
Almaty
+13°

Foto: Shymkent qalasy ákiminiń baspasóz qyzmeti

Úshinshi megapolıste memlekettik tildi erkin meńgergen etnos ókilderiniń qatary kún sanap artyp keledi. Bul sózimizge qalalyq ishki saıasat jáne jastar isteri jónindegi basqarmasyna qarasty «Qoǵamdyq kelisim» mekemesiniń uıymdastyrýymen alǵash ret ótken respýblıkalyq «Myń júırik» aǵartýshylyq jobasy naqty dálel bola alady.

Kórme ortalyǵynda Táýelsizdiktiń 30 jyldyǵy aıasynda 1 jeltoqsan – QR Tuńǵysh Prezıdenti kúnine oraı uıymdastyrylǵan etnos balalary arasynda qazaq tilin ilgeriletýge arnalǵan baıqaýdyń jeńimpazdary marapattaldy.

Saltanatty jıynǵa qatysqan qala ákiminiń birinshi orynbasary, qalalyq QHA tóraǵasynyń orynbasary Shyńǵys Muqan qazaq ertegileri men adamzat órkenıetinde jarqyn iz qaldyrǵan tulǵalardy tanyp-bilýge, jastaıynan kásip tańdaýǵa jáne ózi týyp-ósken ólkesin qazaq tilinde tanystyrýǵa umtylǵan balalardy marapattady. Sh.Jumabekuly jınalǵandardy 1 jeltoqsan – QR Tuńǵysh Prezıdenti kúnimen quttyqtap, baıqaýdyń mańyzyna toqtaldy.

– Memlekettik til – halyqtardyń bir-birimen yntymaqtasatyn, sóz baılasatyn, túsinisetin, tabysatyn, tatýlasatyn qarym-qatynas quraly. Memlekettik tildi bilý – barshaǵa mindet. Tildiń mańyzyn arttyryp qana qoımaı, ony óskeleń urpaqtyń boıyna darytýǵa árqaısymyz atsalysýymyz kerek. Bul – ortaq mindetimiz. Bala jastan tildi úıretýdiń de mańyzy joǵary, - dedi Shyńǵys Jumabekuly.

Al qazylar alqasynyń tóraǵasy, Ońtústik Qazaqstan memlekettik pedagogıkalyq ýnıversıteti «Rýhanı jańǵyrý jáne tárbıe» bóliminiń basshysy, tarıh ǵylymdarynyń kandıdaty Qaırat Anarbaev baıqaý áleýmettik jelilerde onlaın-formatta ótkizilgenin málimdedi. Qazaq tilin meńgerýge arnalǵan aǵartýshylyq jobaǵa respýblıka aýmaǵynda turatyn 300-ge jýyq etnos balalary qatysyp, erejede kórsetilgen talaptarǵa saı 4 baǵyt boıynsha óz ónerlerin beınerolık arqyly usynǵan.

Qazylar alqasynyń tóraǵasy Q.Saparhanuly qatysýshy úmitkerlerdiń ónerin jan-jaqty saraptaı kele, olardyń ishinen erejege sáıkes 10 balany tańdaǵanyn aıtady. Atap aıtqanda, uıǵyr etnosynyń ókili Mehrıaı Abdýllaeva (Almaty qalasy), ázirbaıjan etnosynyń ókili Azat Ramısuly (Túrkistan oblysy), mańǵystaýlyq orys etnosy ókili Eva Djoeva, ýkraın etnosynan Emıl Kovalenko (Shymkent), qyzylordalyq Amelııa Pak (koreı etnosy), tarazdyq túrik qyzy Elzara Halılova, shymkenttik balaqaı Temýrbek Halmurat, arab etnosynyń ókili Ahmed Shavkı (Shymkent), pavlodarlyq nemis ultynyń ókili Evgenıı Shlıtter, shymkenttik tatar etnosynyń jas ókili Naıl Iýskaev jáne olardyń jetekshileri marapat tórinen kórindi. Olarǵa arnaıy dıplomdar men syı-sııapattar tabystaldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir