«Shanyraq» ortalyǵynyń sharapaty kóp

Shymkentte «Nur Otan» partııasynyń saılaýaldy baǵdarlamasy aıasynda, memleket basshysy Qasym-Jomart Toqaevtyń tapsyrmasymen ashylǵan «SHANYRAQ» otbasy ınstıtýtyn qoldaý ortalyǵynda kópbalaly analarǵa qoldaý retinde túrli baǵyttaǵy kýrstar men balalarǵa arnalǵan tegin úıirmeler qyzmet kórsetedi.

Tegin kýrstarda analar kondıterlik ónim ázirleý, tiginshilik kásibin úırene alady. Kýrs ýaqyty 45 kúnge sozylady. Qyz-kelinshekter aptasyna 3 ret úsh saǵattan oqıdy. Kýrsqa jazylǵan balalar ózderimen birge balalaryn ertip barýyna bolady. Bul úshin ortalyqta qajetti jaǵdaılar jasalǵan. Iаǵnı, balalar bos ýaqytyn tıimdi ótkizý maqsatynda ortalyqta shahmat, toǵyzqumalaq,fýtbol, karate, aǵylshyn tili, matematıka kýrstary uıymdastyrylǵan.

«SHANYRAQ» ortalyǵynyń maqsaty – az qamtamasyz etilgen otbasylarǵa jáne kóp balaly analarǵa kásipkerlik jóninde baǵyt-baǵdar berý, olardy qysqa merzimdi kýrstarǵa qatystyryp, jumysqa beıimdeý, qarjylyq saýattylyǵyn arttyrý bolyp tabylady. Ortalyq mamandary sonymen qatar, psıhologııalyq, áleýmettik jáne quqyqtyq keńes beredi.

Osydan bir jyl buryn ashylǵan ortalyqta búginge deıin 9,5 myńnan asa az qamtamasyz etilgen jáne kópbalaly analardyń muqtajdyqtary tirkeýge alynyp, túrli baǵytta qyzmet kórsetilip, aqparattyq qoldaý, psıhologııalyq, quqyqtyq keńes berý, ataýly áleýmettik kómekke qujat tapsyrý, turǵyn úı kezegine turý, Eqov.kz portalynan qyzmetterin alý máseleleri boıynsha kómekter usynylǵan.

Kópbalaly analardyń qatysýymen 149 kezdesý, onyń ishinde 13 bıznes-trenıng, 24 psıhologııalyq trenıngter ótkizilgen.

Jalpy, Shymkent qalasynda 49405 kópbalaly otbasy bar. Onyń ishinde ataýly áleýmettik kómek alatyn otbasylar sany 15 361-di quraıdy.