• USD 424.85

  • EUR 504.21

  • RUB 5.84

  • CNY 65.86

04 Jeltoqsan, 23:51:18
Almaty
+5°

Keshe ǵana AQSh-tyń eń iri bank júıesi JP Morgan korporasııasy osy jazdan bastap iri klıentteri úshin krıtovalıýtamen qor saqtaıtynyn málimdedi

Krıptovalıýta taqyryby kóptegen adamdardy ǵana emes memleketterdiń ózin mazalaı bastady.

Zerttep qarasaq, krıptovalıýtany qoldaıtyndar da, oǵan qarsy bolatyndar da kóp. Degenmen bul valıýtany qoldaıtyndar men qoldanatyndar ýaqyt ótken saıyn kóbeıip keledi. Ǵalamdyq ekonomıkadaǵy onyń úlesi artyp keledi. Onyń bir sebebi, krıptovalıýtanyń ashyqtyǵy jáne "sıfrlyq altyn" sıpaty bolýynda.

Krıptovalıýtanyń bolashaǵyna senetin  álemdik alpaýyt kompanııalar men qarjy ınstıtýttarynyń tipti, memleketterdiń sany ýaqyt ótken saıyn kóbeıip jatyr.

Qytaı bıligi krıptovalıýtany ınvestısııa múmkindigi retinde kóterýde. Eýropa elderi de sıfrlyq valıýtany tezden daıyndaý kerek ekenin aıtty. AQSh-tyń iri bankteri men qarjylyq korporasııalary krıptovalıýtaǵa kóshkenin jáne kóshetinin birinen keıin biri jarııalaýda.

PayPal bıtkoın qoldanatynyn málimdedi. Mastercard aýdarymdary bıtkoın arqyly bolatynyn habarlady. Apple Pay krıptovalıýta arqyly zat satyp alýǵa bolatynyn aıtty. Tesla kompanııasy 1.5 mld doldarǵa bıtkoın satyp aldy jáne kólikteri bıtkoınmen satylatynyn jarııalady. Twitter jáne Gerneral Motors kompanııalary da bıtkoınmen jumys jasaıtynyn aıtty.
Tipti, AQSh qarjy alpaýyttary JP Morgan jáne Goldman Sachs bıtkoındy qoldap, qýattap jáne qoldanatynyn málimdedi.

Álemde osyndaı iri qarjylyq transformasııa júrip jatqan kezde, ǵalamdyq jaǵdaıdy baǵamdap, erterek durys sheshim qabyldanbasa, kóptegen elderdiń bıýdjeti bankrottyqqa ushyraýy ábden múmkin. 

Keıbir qarjylyq mamandardyń aqparatyna sáıkes, 2030 jylǵa qaraı krıptovalıýta ǵalamdyq negizgi qundy valıýtaǵa aınalyp, qazirgi halyqaralyq aıyrbas valıýta statýsyndaǵy AQSh dollarynyń ózi qunyn tolyq joǵaltýy yqtımal. 

Memlekettiń bıýdjeti men ulttyq qor halyqtyń múddesine qyzmet etýge mindetti bolǵandyqtan, osyndaı tarıhı sátte jaýapty quzyrly oryndar ulttyq qordyń biraz bóligin erterek krıptovalıýtamen saqtaýdy qarastyrýy kerek, bul ýaqyt kúttirmeıtin tarıhı moment dep esepteımin. Olaı bolmaǵanda, bári de kesh bolýy múmkin.

Jýrnalıst: 

Talǵar Dálelǵazy 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir