• USD 468.56

  • EUR 497.56

  • RUB 7.3

  • CNY 67.18

29 Naýryz, 17:02:25
Almaty
+35°

Búgin, 8 naýryz – Halyqaralyq áıelder kúninde Almatyda femınıster sherýi men ruhsat etilgen mıtıng ótti. Oǵan "KazFem", "FemAgora, Feminita", OF, "SVET", "Femsreda" sekildi qoǵamdyq uıymdar bastamashyl bolǵan. Oyan, Qazaqstan qozǵalysynyń ókilderi de aksııaǵa qoldaý bildiretinin málimdep, alańnan tabyldy.

Femınıster áıel quqyǵy men teńdigi, onyń qoǵam men otbasydaǵy orny, áıelderge qarym-qatynas máselelerin kóterip, turmystyq zorlyq-zombylyq týraly zańdy ózgertýdi talap etti.

Aksııa qatysýshylary aldymen M.Gandı saıabaǵyna jınalyp, keıin Shevchenko kóshesimen shyǵysqa qaraı sherýletti.

Jol boıy rýpormen "Naǵyz áıel bir-birine janashyr" "Áıelińdi urdyń ba, úıden ket", "Ol qaladaǵy sońǵy erkek emes", "Zorlyq-zombylyqqa aqtaý joq", "Bizdi patrıarhat óltirip jatyr", "Áıelder bir-birine baýyr", "Áıel úıinde qonaq emes", "Áıel quqyǵy adam quqyǵy", "Kelin qul emes", "Sen týmaısyń, sen sheshpeısiń", "Árkim óz shulyǵyn ózi jýady", "Femınızmsiz bolashaq joq" dep  aıqaılap, talaptaryn jetkizdi.

Shoqan Ýálıhanov atyndaǵy alańǵa kelgen soń femınıster kezekpen sóz alyp, Qazaqstandaǵy áıel quqyǵy, zorlyq-zombylyqqa tózbeý, jynystyq tańdaý týraly aıtty.

"SVET" qoǵamdyq uıymynyń ókili Móldir Alban 5 jyl buryn bala kezinde seksýaldyq zorlyqqa ushyraǵany týraly ashyq aıtqanyn, mundaı jaǵdaılar áli de azaımaı otyrǵanyn jetkizdi. Onyń pikirinshe, buǵan tıisti zańnyń osaldyǵy, áıelderde kúresýge yntanyń tómendigi sebep.

– Biz tipti áıelin kógala qoıdaı soqqan adamdy qalaı jazalaýly bilmeımiz. Zań qorlanǵandy emes, qorlaǵandy, zorlanǵandy emes, zorlaǵandy qorǵaıdy, jábir kórgendi emes, qol kótergendi jaqtaıdy. Bizdiń talabymyz – ártúrli zorlyq-zombylyqty zań júzinde jazalaýdy qataıtý, polısııanyń der kezinde nazar aýdarýyn talap etý, jergilikti bılik ókilderiniń turmystyq zombylyqqa nemquraıly qaraýyn toqtatý. Biz búgin óz quqyǵymyzdy talap etpesek, erteńgi kúni barmaǵymyzdy tisteımiz, – dedi ol.

Aksııaǵa júzdegen astam adam qatysty. Olardyń deni jastar men áıelder. Arasynda orta jastaǵy áıelder men er adamdar da júrdi.

 Foto: qamshy.kz

Foto: qamshy.kz

Foto: qamshy.kzFoto: qamshy.kz

Foto: qamshy.kz

Foto: qamshy.kz

Foto: qamshy.kz

 

Foto: qamshy.kz

Foto: qamshy.kz

 

Foto: qamshy.kz

 

Foto: qamshy.kz

 

Foto: qamshy.kz

Foto: qamshy.kz

Foto: qamshy.kz

Foto: qamshy.kz

Foto: qamshy.kz

Foto: qamshy.kz

Foto: qamshy.kz

Foto: qamshy.kz

Foto: qamshy.kz

Foto: qamshy.kz

Foto: qamshy.kz

Foto: qamshy.kz

Qamshyger

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir