Aqyn, "Asyl Arna" telearnasynyń dırektory Muhamedjan Tazabek "Asyl Arna"-nyń tikeleı efırinde dinı ustanymy týraly aıtyp, ózin "sáláfıt" degenderge jaýap berdi.

Buǵan deıin Tazabektiń "Tálim Trend baǵdarlamasy "Qazaqstan" ulttyq telearnasynan shyǵa bastaǵanyna baılanysty qoǵamda daý shyqqan.

Qamshy portalyna pikir bildirgen Nur-Múbárak meshitiniń bas ımamy Qaırat Joldybaıuly Tazabektiń ustanǵan dinı kózqarasyna, aınalasyndaǵy adamdarǵa, dinı senimine qoǵamda kúmán kóp ekenin aıtyp, sózine birneshe mysal keltirgen.

Muhamedjan Tazabek Qaırat Joldybaıulynyń pikirin oqyǵanyn jetkizip, tıisti jaýabyn berdi.

 

– Men qaıdan sáláfı bolam, eger soǵym soısam, tusaý kessem, dombyra tartsam. Biz kerisinshe áke-sheshisin "kápir" dep qolynan tamaq jemeı júrgen, qyzdardyń taǵdyrymen oınap, birinen keıin birin talaq qyp, qanshama qyzdyń kóz jasyna qalyp jatqan nemese namaz oqymaǵan adamdy "kápir" dep onymen aralaspaı, áke-sheshesiniń qolyndaǵy taǵamdy "haram" dep ony jemeı júrgen qanshama radıkaldyq kózqarastaǵy sáláfılerdiń kózin ashýǵa, olarǵa túsindirýge, olarmen "eldik múddede bir jolda bolyńdar" degen shaqyrýmen aınalysyp jatqanymyzǵa ondaǵan jyl boldy. Biz birinshi kúnnen radıkalızmmen qanshama shaıqastar men qyrylystar júrgizip kelemiz, – degen ol "sáláfılerge qarsylyǵy týraly, olardyń ulttyq múddege qaıshylyqtary jaıly, eldiń yntymaq-birligine zııany týraly suhbattarda, áńgimelerde ashyq aıtyp júrgenin atap ótti.

 

Qaırat Joldybaı Muhamedjan Tazabektiń dinı ustanymyna kúdik týdyratyn alty ýáj, ıaǵnı alty mysal keltirgen. Tazabek sonyń tek bireýi – "mýzykaǵa degen kózqarasynyń teris ekenin kórsetedi" degen ýájge qatysty ǵana jaýap berdi.

 

– Sheıhtiń "Asyl Arnaǵa" kelip ketkeni, meniń arabpen ym-jymym bir ekenin, mýzykanyń keıbir túrlerin baǵdarlamaǵa qoldana almaı jatsam, meniń basybútin mýzykaǵa qatysty kózqarasymdy bildirmeıdi. Qaırat Joldybaı dombyra tartpaıtyn shyǵar. Biraq men dombyramen arnaýymdy aıtyp, keshegi pandemııa kezinde Aınurǵa (Tursymbaeva – red.) arnaǵan sálemimdi áleýmettik jeli arqyly búkil Qazaqstan kórdi. Ony men óleń qylyp oqyp bersem bolar edi, men biraq sanaly túrde qazaqtyń áýezdi ánine salyp, Aınurǵa jetkizgenimdi qazaq halqy biledi. Biz kimge qalaı qarasaq, kózimizge solaı bolyp kóretini beseneden belgili. Men sáláfı emes ekenimdi ózim de aıtaıyn, ózgeler de biledi. Meni tanıtyndar, meniń úıimde bolyp júrgen, qyzmettes bolyp júrgen nemese saparlas bolyp júrgen adamdar el "sáláfı" dep aıtyp jatqan adamdarǵa esh qatysym joq ekenin anyq biledi, – dedi aqyn.

 

"Asyl Arna" dırektory dindi jetkizgen ata-baǵa degen qurmeti retinde telearnada kezinde Matrýdı mektebi týraly habar ashqanyn atap ótip, "meniń aqıdama esh kúmándanbasańyzdar bolady" dep jaýap berdi.

Taǵy oqyńyz:

♦ "Tazabek sáláfılikten bas tarttym dep aıtqan emes". "Tálim Trend" týraly dintanýshylar pikiri

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir