Memleket basshysy Alık Shpekbaevty qabyldady

Memleket basshysy Sybaılas jemqorlyqqa qarsy is-qımyl agenttiginiń tóraǵasy Alık Shpekbaevty qabyldady. Bul týraly akorda.kz habarlady. 

Qazaqstan Prezıdentine Sybaılas jemqorlyqqa qarsy is-qımyl agenttiginiń bıylǵy 9 aı ishinde atqarǵan jumystarynyń negizgi kórsetkishteri jóninde esep berilgen. Atap aıtqanda,  jemqorlyqqa qarsy zańnamaǵa túzetý engizilgeni jáne Dúnıejúzilik banktiń jemqorlyqty baqylaý ındeksindegi elimizdiń kórsetkishi aıtarlyqtaı jaqsarǵany týraly baıandaldy.

Qasym-Jomart Toqaev Qazaqstannyń jemqorlyqqa qarsy saıasatyn halyqaralyq standarttarǵa sáıkes keshendi ári dáıekti túrde jańǵyrtýdy jalǵastyrýdyń mańyzdy ekenin atap ótip, jemqorlardy shartty túrde merziminen buryn bosatýdan bas tartý týraly tapsyrmalardyń sapaly júzege asyrylý jáne memlekettik qyzmetshiler, depýtattar men sýdıalar úshin sheteldik shottarynyń bolýyna tyıym salý qajettigine nazar aýdardy. 

Kezdesý sońynda Prezıdent aldyn alý jumystaryn tıimdi júrgizýdiń jáne bıýdjet qarjysynyń maqsatty jumsalýyna júıeli baqylaý jasaýdyń mańyzdy ekenin aıtty. Bul pandemııa kezinde óte ózekti bolyp tabylady.