Foto: azh.kz
Atyraý oblystyq densaýlyq saqtaý basqarmasynyń bastyǵy Nurlybek Qabdyqaparov qatań sógis alǵannan keıin, óz erkimen qyzmetten ketýdi uıǵardy. Bul týraly azh.kz habarlady.
Oblys ákimi baspasóz qyzmetiniń málimetine súıensek, Nurlybek Qabdyqaparovqa qyzmettik mindetin tıisti atqarmaǵany úshin birneshe sebeptermen qatań sógis jarııalanǵan.
"Olardyń ishinde COVID-19-ǵa qarsy kúres boıynsha epıdemııaǵa qarsy is-sharalardy júzege asyrýdaǵy, ınfeksııa juqtyrǵan medısına qyzmetkerlerine áleýmettik jeńildikter uıymdastyrýdaǵy, sondaı-aq tótenshe jaǵdaı kezinde óńirdiń medısına mekemelerin jeke qorǵanysh quraldarymen qamtamasyz etýdegi kemshilikter bar. Ol bul máseleler boıynsha túsinikteme jazyp, keıin óz erkimen qyzmetinen ketý týraly ótinish berdi" delingen habarlamada.
Qazir oblystyq densaýlyq saqtaý basqarmasy basshysynyń mindetin ýaqytsha atqarýshy bolyp Ashan BAIDÝVALIEV taǵaıyndaldy.
A.Baıdývalıev 1972 jyly Ońtústik Qazaqstan oblysynda dúnıege kelgen. Almaty oblysyndaǵy Qarasaı aýdandyq aýrýhanasyn, Almaty oblysynyń Densaýlyq saqtaý basqarmasyn basqaryp, keıin Asfendııarov atyndaǵy Qazaq ulttyq medısınalyq ýnıversıtetiniń qosymsha kásiptik bilim berý ortalyǵynda basshylyq etti. Odan keıin Shymkent qalasynyń Densaýlyq saqtaý basqarmasynyń basshysy bolyp jumys istedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir