15 Tamyz, 2020 Bas taqyryp

Aqan Sataev: "Qazaqfılmdi" órtegen qylmyskerlerdi tabamyz

Foto: Ashyq derekózden alyndy

"Qazaqfılm" AQ basshysy, kınorejısser, prodıýser Aqan Sataev 14 tamyz kúni kınostýdııa ǵımaratynda shyqqan órtke qatysty pikir bildirdi. 

"Qazaqfılmdi" bireýdiń órtegendigi anyq. Baqytymyzǵa oraı, zardap shekkender joq. Bizge qatty zııany kelmedi. Sondyqtan biz óz jumysymyzdy jalǵastyramyz. Men bul qylmyskerlerdi tabamyz dep senemin" dedi dırektor óziniń Instagramdaǵy paraqshasynda.

Rejısser "Qazaq handyǵy" serıalyn túsirý kezinde jasalǵan kólemdi dekorasııanyń  órtenip ketkenin málimdedi. Dekorasııadan 200 metr qashyqtyqta órtengen ekinshi nysan - aǵash qoımasy.

A.Sataev órt sóndirýshilerge jáne qala basshylyǵyna tótenshe jaǵdaıdy tez jáne tıimdi sheshkenderi úshin alǵys aıtty.

Almaty qalasynyń tótenshe jaǵdaılar departamentiniń málimetine sáıkes, 21.33-te bastalǵan órttiń birinshi oshaǵy 23 saǵat 10 mınýtta, al ekinshisi 23 saǵat 26 mınýtta joıylǵan. О́rtti sóndirýge TJ departamentinen 53 qyzmetker men 16 birlik tehnıka, polısııa departamentinen 30 qyzmetker men 10 birlik tehnıka, jedel medısınalyq kómek mekemesinen 6 qyzmetker, 2 birlik tehnıka jáne Almaty qalasy ákimi apparatynyń qutqarý qyzmetinen 4 jumysker men 4 birlik tehnıka jumyldyryldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir