• USD 411.66
  • EUR 465.92
  • RUB 5.81
  • CNY 58.79

11 Maýsym, 2020 Aıtty-eı, baýyryń!

“LGBT-ny qoldaý arqyly qazaqty azǵyrýshylar” degen dástúrli posttar jazylsa, tań qalmaımyn"

“Elıtanyń” post-mıtıng propagandasy jaıly

Kaztag.kz

Qazaqstandaǵy alǵashqy jáne ázirge jalǵyz mıtıngime byltyr jazda qatystym. A.Ilıashev 36-talpynysynda ruqsat alǵan mıtıngige QR azamaty jáne saıasattanýshy retinde qatystym.
 
Maǵan mıtıngishilermen qatar ákimshilik ókilderiniń, máslıhat depýtattarynyń, polısııanyń jáne mıtıngini basynan sońyna deıin kameraǵa túsirgen, qara kózildirik taqqan, qara sómke asynǵan bir top jigittiń is-áreketin baqylaý kásibı turǵydan qyzyq boldy. Sol kezde qara kıimdi jigitterdiń júris-turysyna qarap, olardy KNB, ákimshiliktiń ishki saıasat bólimi nemese ákimshilikke qarasty mekemeniń qyzmetkeri bolýy múmkin dep boljadym.
 
Asıa Týlesova “polıseıdiń fýrajkasyn ushyratyn” montajdalǵan rolıkti mıtıngiden qalmaıtyn sol qara kıimdi jigittiń biri túsirgen bolýy múmkin dep oılaımyn. Iаǵnı, ótken senbide “elıtaǵa” tanymal belsendilerdi jaǵymsyz keıipte kórsetýge keremet múmkindik týdy. Polıseıler ádettegideı mıtıngishilerge qysym kórsetti, "kara kıimdi operatorlardyń" joly bolyp, beıbit mıtıngige shyqqan medıada aty tanymal belsendiniń emosııaǵa berilgen sátin jaqsylap túsirip, ony qara nıetti kýratorlaryna, olar ony ary qaraı arsyz ıdeologtarǵa ótkizdi, olar ony Feısbýktegi jaldamaly propagandıstterge taratty.
 
Odan keıingi saıası repressııa propagandıstteriniń jıirkenishti is-áreketin Feısbýkte bárimiz kórip otyrmyz. “Elıta” maskasy talaı sheshilip, beti ábden ashylyp ketken jandaıshaptardy ne úshin áleýmettik jelidegi kezekti propagandaǵa qoldanyp otyr?
 
Meniń oıymsha, onyń eki maqsaty bar. Birinshiden, “elıta” osy propaganda arqyly A.Týlesovaǵa qatysty sottyń sheshimin qoǵamdyq jáne saıası dıskýrsta legıtımızasııalaýdy jeńildetip, batys elderi men halyqaralyq uıymdardyń aldynda óziniń beıbit mıtıngilerdegi repressıv amaldaryn aqtaý úshin jasap otyr. Ekinshiden, A.Týlesovany osyndaı rezonanspen jazalaý arqyly qoǵamdaǵy saıası belsendilerdi úrkitip, azamattardy úreıde ustaý úshin, mıtıngini agressıv adamdardyń ermegi dep kórsetý úshin jasalyp otyr. Iаǵnı, alda bolatyn mıtıngilerde óz jumysyn jeńildetip, saıası protestti “zań ústemdigin” ornatý arqyly aýyzdyqtaýǵa tyrysýdyń amaly.
 
Alda A.Týlesova jáne ózge saıası belsendiler “Gosdeptiń agentteri”, “sheteldik granttardy ıgerý úshin mıtıngige shyǵyp júr”, “pıataıa kolonna”, “LGBT-ny qoldaý arqyly qazaqty azǵyrýshylar” degen dástúrli tizesi shyqqan shablondarmen posttar jazylsa, tań qalmaımyn. Múmkin jazylyp ta qoıǵan shyǵar.
 
Sondyqtan dál qazir “qara kıimdi operatorlar” men olardyń kýratorlary, ishki saıasattyń ıdeologtary men jaldamaly propagandıstterge qoǵam retinde eseıgenimizdi dáleldeıtin kez. Olardyń adamgershilikten ada jáne ıdeıalyq turǵydan ımpotent ekenin dáleldeıtin kez. Dál qazir betsiz propagandıstter saıası belsendini jazalaý arqyly “zań ústemdigin” talap etetin kez emes. Dál qazir osy ýaqytqa deıin jappaı únsizdik pen qorqynyshtan jol bergen konstıtýsııalyq quqyqtarymyzǵa qol suǵýdy “elıtadan” toqtatýdy talap etetin kez.
 
Dál qazir saıası repressııaǵa qarsy kúresetin kez.
 
Ilmek sózder: Shalqar Nurseıtov

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir