Munaıly ólkede áskerı-patrıottyq tárbıe berý aıasynda memorandýmǵa qol qoıyldy

Qazaqstannyń Táýelsiz kúni merekesine oraı, jastarǵa áskerı-patrıottyq tárbıe berý aıasynda Atyraý oblysy Qorǵanys isteri jónindegi departamenti, Bilim basqarmasynyń jetekshisi jáne «Jas sarbaz» áskerı-patrıottyq qoǵamdyq qozǵalysy arasynda yntymaqtastyq pen ózara is-qımyl týraly memorandýmǵa qol qoıý rásimi ótti.

Memorandýmnyń maqsaty – ózara yntymaqtastyqty ornatý, jastarǵa jan-jaqty áskerı-patrıottyq tárbıe berý, jastardyń bastamalaryn qoldaý, birlesken jobalardy ári qaraı iske asyrý, sondaı-aq taraptardyń birlesken áskerı-patrıottyq is-sharalarǵa qatysýy. Qol qoıylǵan memorandým sheńberinde birlesken halyqaralyq forýmdardy, aksııalardy, jıyndardy, semınarlardy uıymdastyrý men ótkizý boıynsha tapsyrmalar iske asyrylatyn bolady. Odan basqa, taraptar óńirdiń jalpy bilim berý mekemelerinde áskerı-patrıottyq klýbtardy, kadet synyptaryn qurý máselelerin pysyqtaıdy.

Is-sharanyń qurmetti qonaqtary Aýǵan soǵysynda óz boryshyn ótegen ardagerler jáne QR Qarýly Kúshteriniń ardagerleri, mektep basshylary, alǵashqy áskerı daıarlyq pániniń oqytýshy-uıymdastyrýshylary, áskerı-patrıottyq klýbtarynyń tárbıenýshileri boldy. 

Qazaqstan Respýblıkasynyń tuńǵysh prezıdenti Nursultan Nazarbaevtyń tapsyrmasy boıynsha áskerı-patrıottyq "Jas sarbaz" jasóspirimder qozǵalysy 2018 jyly qarasha aıynda qurylyp, tárbıenýshiler úshin kıim úlgisi tanystyrylǵan  bolatyn.

QR Qarýly Kúshteri qyzmetiniń negizgi baǵyttarynyń biri – jastarǵa áskerı-patrıottyq tárbıe berý. Áskerı-patrıottyq klýbtardyń qabyrǵalarynda oqytýdan jáne shyńdaýdan ótken, al keıinnen áskerge shaqyrylǵan nemese áskerı-oqý oryndaryna túsken jastar áskerı ómirdiń qyrlaryn ıgerýde joǵary daǵdylarǵa ıe bolyp, áskerı qyzmettiń jaǵdaıyna jeńil beıimdeledi.

Saltanatty shara sońynda «Jas sarbaz» qozǵalysynyń tárbıelenýshisi Jańabaı Nurtas barlyq jasóspirimderdiń atynan «Jas sarbazdyń» antyn qabyldady. Odan keıin barlyq «Jas sarbaz» antyn qabyldaǵan tárbıenýshilerge jeke kýálik pen áskerı-patrıottyq qozǵalysy qatysýshysynyń  sertıfıkaty tabys etildi.

Eske sala keteıik, Atyraý oblysy boıynsha 15 «Jas sarbaz» synyby men  20 «Smart sarbaz» kabıneti  óz qyzmetin júzege asyrýda.

Shara oblystyq N.Jantórın atyndaǵy fılarmonııa ártisteriniń konsertimen jalǵasty.

Ýrbaıza Abıtova,

Atyraý oblysy Qorǵanys isteri jónindegi departamenti

baspasóz qyzmetiniń bastyǵy maıor