9 jeltoqsanda Dıdar Amantaıdyń shyǵarmashylyq keshi ótedi

9 jeltoqsan keshki saǵat 18:00-de Almaty qalasy Muhtar Áýezov drama teatrynda Qazaqstannyń eńbek sińirgen qaıratkeri, jazýshy-fılosov Dıdar Amantaıdyń shyǵarmashylyq keshi ótedi dep jazady Qamshy.kz aqparat agenttigi. 

Dıdar Amantaı 1969 jyly 5 aqpanda Qaraǵandy oblysynyń Qarqaraly aýdanynda dúnıege kelgen. Ol jazýshy, ssenarıst, jýrnalıst, qoǵam qaıratkeri. Sháken Aımanov atyndaǵy «Qazaqfılm» aksıonerlik qoǵamynyń bas redaktory.

Alǵashqy kitaby 1996 jyly «Postskrıptým» degen atpen jaryq kórdi. Keıinnen «Qasterle meni» ( romandar, povester, áńgimeler, esseler 2000), «Gúl men kitaptar» (Roman, 2003), «Kúzgi randevý» (povest-áńgime 2005) kitaptarymen qatar, «Nurǵısa Tilendıev», «Áljappar Ábishev», «Qasym Amanjolov», «Júsipbek Elebekov», «Muqtar Maǵaýın»  derekti fılmderdiń, «Gákký» («FEF») «A-ǵa oralý» kórkem fılmderiniń «Qarsy baqylaý» teleserıalynyń ssenarıin jazǵan.

2010 jyly bes  tomdyq shyǵarmalar jınaǵynyń birinshi tomy — «Qarqaraly basynda» atty kitaby baspa júzin kóredi. Qazir «Mahambet fılosofııasy» atty ekinshi tomy daıyndalý ústindeDıdar Amantaıdyń shyǵarmalary álemniń kóptegen tilderine aýdarylǵan.