• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:54:47
Qazaqstan Ýkraınanyń saýda naryǵyna alańdaýly

23 Qazan, 2019 Ádebıet

Almatyda Ábdijámil Nurpeıisovtyń mereıtoıy atalyp ótti

22 qazan kúni Abaı atyndaǵy Memlekettik akademııalyq opera jáne balet teatrynda Qazaqstannyń Halyq jazýshysy Ábdijámil Nurpeıisovtyń 95 jyldyq mereıtoıyna oraı merekelik kesh ótti, dep habarlaıdy Almaty qalasy ákiminiń baspasóz qyzmeti.

Saltanatty sharaǵa Memlekettik hatshy Qyrymbek Kósherbaev, Almaty ákimi Baqytjan Saǵyntaev, Qazaqstannyń mádenıet jáne sport mınıstri Aqtoty Raıymqulova, jazýshylar, aýdarmashylar, shyǵarmashyl zııaly qaýym men jastar qatysty.

Memlekettik hatshy Tuńǵysh Prezıdent – Elbasy Nursultan Nazarbaevtyń jáne Memleket basshysy Qasym-Jomart Toqaevtyń quttyqtaýlaryn oqyp berdi. Olarda jazýshynyń otandyq ádebıet pen mádenıetti damytýǵa qosqan orasan zor úlesi úshin alǵys sózder aıtylǵan.

О́z kezeginde Almaty qalasynyń ákimi Ábdijámil Nurpeıisovtyń shyǵarmalaryn tek Qazaqstanda ǵana emes, álemniń de biletinin atap ótti. Onyń shyǵarmalary 35 tilge aýdarylǵan jáne mıllıondaǵan tırajben dúnıejúzine taraǵan.

– Biz, almatylyqtar, onyń jaqynda Almaty qalasynyń Qurmetti azamaty atanǵanyna maqtanamyz. Bul – Uly jazýshy shyǵarmalary oqyrmandarynyń oǵan kórsetken qurmeti men alǵysy, – dep atap ótti B. Saǵyntaev.

Ábdijámil Nurpeıisov 1924 jyly 22 qazanda týǵan. 1942 jyly orta mektepti bitirgen soń Qyzyl Armııa qataryna shaqyrylady. Zapasqa shyqqannan keıin 1947 jyldyń qańtarynda ótken soǵystyń jadynda áli de saqtalǵan estelikteri boıynsha ózi qatysqan Kýrlıandııadaǵy jaý áskerin qorshaý operasııasy týraly alǵashqy iri týyndysyn jazýǵa kirisedi. «Kýrlıandııa» dep atalatyn roman qoǵamnyń joǵary baǵasyn alyp, 1950 jyly Qazaq SSR-iniń Jambyl atyndaǵy Memlekettik syılyǵyna ıe bolady.

Onyń ekinshi iri shyǵarmasy – mańyzdy epıkalyq taqyryp – revolıýsııaǵa deıingi araldyq balyqshylardyń ómirine arnalǵan «Ymyrt», «Sergeldeń», «Kúıreý» kitaptarynan turatyn «Qan men ter» tarıhı-revolıýsııalyq trılogııasy.

1974 jyly roman KSRO Memlekettik syılyǵyn ıelendi. «Qan men ter» romanynyń ssenarıi boıynsha kórkemsýretti fılm túsirilip, pesalar qoıyldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir