Apat aıtyp kelmeıdi: Dúleı daýyl oraldyqtardy áýrege saldy (foto)

Oraldaǵy qatty daýyl saldarynan aǵashtar qulap, ǵımarattarǵa zaqym kelgen, daýyldan keıin bes adam dárigerlerdiń kómegine júgindi dep habaraıdy Qamshy.kz aqparat agenttigi sputniknews.kz saıtyna silteme jasap.

"5 tamyzda qatty jel saldarynan saǵat 15.00 men 17.00 aralyǵynda jedel járdem pýltine tórt ret qońyraý tústi. Jelaevo aýylynda shatyrdan shıfer bóligi ushyp, segiz jasar qyzdyń basyna qulaǵan. Ol Oral qalasynyń kópsalaly aýrýhanasyna jetkizildi", - delingen "Moı GOROD" portalynyń jazbasynda.

Daýyldan qaladaǵy birneshe aǵash qulaǵan.

 

 

 

Posmotret etý pýblıkasııý v Instagram

 

 

Veter ?

Pýblıkasııa ot ÝRALSK / ORAL (@zello__uralsk) 5 Avg 2019 v 7:53 PDT

"Ábilqaıyr han dańǵylynda kólikke aǵashtyń jýǵan butaǵy qulaǵan. Saldarynan 31 jastaǵy er adamnyń kózine áınek synyǵy kirip ketipti. Ol oblystyq kópsalaly aýrýhanaǵa jetkizildi. Sondaı-aq 16 jastaǵy qyz zardap shegip, Oral qalasyndaǵy kóp salaly aýrýhanaǵa jetkizilgen", - dep málimet berdi óńirdiń densaýlyq saqtaý basqarmasy.

Sonymen qatar dárigerler 69 jáne 74 jastaǵy eki áıeldiń ústine butaq qulaǵanyn aıtty. Olar basynan jaraqat alǵan. Bireýi aýrýhanaǵa jatýdan bas tartsa, ekinshisi medısınalyq mekemede em alyp jatyr.

Qatty jel Oral qalasynda 5 tamyz kúni tústen keıin bastaldy. Qalada elektr jaryǵy sónip qalypty.

О́ńirlik tótenshe jaǵdaılar departamentiniń málimetinshe, qatty jel Jańajol jáne Taldyqudyq aýylyndaǵy eki mekteptiń shatyryn ushyrǵan, Jánibek aýylyndaǵy M.B. Ihsanov atyndaǵy kolledj sport zalynyń shatyryna zaqym kelipti. Tasqala aýdanyndaǵy Tasqala aýylynda Halyqty jumyspen qamtý ortalyǵynyń shatyry ushqan.