Ulttyq birińǵaı testileýdegi ózgerister

Jalpy bıylǵy UBT birinshi ret eki kezeńmen ótkeli otyr. Mektep attestatyn alý jáne joǵarǵy oqý oryndaryna túsý úshin test bólek-bólek tapsyrylady. Ári birinshisiniń qorytyndysy, ekinshisine esh qatysy joq. Tipti, mektepti «Altyn belgige» bitirgender de bıyl jeńildiktiń bárinen qaǵylady dep habarlaıdy Qamshy aqparattyq agenttigi KTK arnasyna silteme jasaı otyryp.

«Oqýshylarǵa «Altyn belgi» tek qana mektepte beriledi. Eger eki oqýshy birdeı ball alsa, «Altyn belgige» bitirgen bala ǵana jeńildikke ıe bola alady. Al grantqa kelgende árbir bala ózi qansha ball aldy, sol ballǵa baılanysty  ǵana grant beremiz»,- deıdi QR Bilim jáne ǵylym vıse-mınıstri Elmıra Sýhanberdıeva.

Taǵy bir ózgeris kolledjderden keıin keshendi test tapsyratyndarǵa qatysty. Endi olar mektep baǵdarlamasyn jattap bas qatyrmaıdy. Tek óz mamandyǵyna qatysty testileýden ótedi.

«Bul jalpy kásiptik jáne naqty mamandyqqa qatysty pánder. Osy eki pánmen memlekettik grantqa ótinish bere alady. Al eger mamandyǵyn múldem aýystyratyn bolsa, mysaly gýmmanıtarlyqtan tehnıkalyqqa, onda kádimgi UBT tapsyrady», dep habarlady  Joǵary jáne joǵary oqý ornynan keıingi bilim departamentiniń dırektory Darhan Ahmet-Záki,