Ahmetov myrza, qazaqty azapqa salmaı, otstavkaǵa ketińiz!

Dúnıejúzinde óz ultyna jany ashymaıtyn, shette júrgen qandastarynyń óz Otanyna oralýyna qarsy, Prezıdentiniń júrgizip otyrǵan ulttyq saıasatyn aıaqqa taptaǵysy kelip turatyn, qazaqtar arasynda shý - shyǵarýǵa áýes bir úkimet bolsa, Ol – bizdiń Qazaqstan Respýblıkasynyń K.Másimov basqarǵan Úkimeti bolǵan shyǵar dep oılaımyn!

Nege deısiz ǵoı?!

Obaly ne, Elbasymyz Nursultan Nazarbaev Máńgilik El tujyrymdamasyn alǵa qoıyp, Qazaqstan ataýyn Qazaq Eli dep ataıyq dep jantalasyp, kúlli Alash jurtyn, búkil Túrki dúnıesin qýantyp jatyr.

Al, Úkimet shetelden Atajurtqa kóship keletin qazaqtardyń Qazaqstanda turaqty tirkeýge turý - turmaýyn sol ózi kelgen eldiń Qazaqstandaǵy Elshiligi belgileıtin etip, baıaǵyda Qaýly qabyldap tastaǵan.

Kárim Másimov qol qoıǵan sol  Qaýly Máńgilik El tujyrymdamasy jolǵa qoıylǵaly tipti qatań atqaryla bastady. О́tken jyldyń sońynan bastap, mysaly, Qytaı Halyq Respýblıkasynan munda óz kúshimen kóship kelgen qazaqtar Astanadaǵy Qytaı Elshiliginen mynadaı orys tilinde jazylǵan, qyzyl mór basylǵan «SPRAVKA» alǵan soń baryp, bizdiń Kóshi - qon polısııasyna turaqty tirkeýge turýǵa qujattaryn zorǵa tapsyrýda.

Sorymyzdyń qaınaǵany sonshalyq, Qytaı Elshiligi qazaq tilinde jazylǵan qujatty, basyn kesip alsań da, qabyldamaıdy eken. Tek qana orys tilinde daıyndap aparýyń shart.

Naqtylap aıtsaq, Qazaqstan Respýblıkasy Úkimetiniń 2009 jylǵy 14 jeltoqsandaǵy № 2102 Qaýlysymen bekitilgen «Sheteldikter men azamattyǵy joq adamdardy tirkeý jáne olarǵa Qazaqstan Respýblıkasynda turaqty turýǵa ruqsat berý boıynsha memlekettik qyzmet standartyna» 2012 - jyly 28 - naýyryzda ózgertýler men tolyqtyrýlar engizip, QR Úkimetiniń № 362 Qaýlysymen bekitkende, osy Standarttyń 11- babynyń 2- tarmaǵyna  engizilgen: «QR-da ózge de zańdy negizde ýaqytsha bolatyn adamdar: kelgen elinde sottylyǵynyń bar bolýyn ne joqtyǵyn rastaıtyn qujatty; ketý paraǵy ne shetelge turaqty turý úshin shyǵýǵa ruqsatty rastaıtyn basqa qujat retinde bolýy múmkin sheteldiktiń azamattyǵyna ıe memleketiniń jazbasha kelisimin usynady» delingen ózgertýlerde óz qandastarymyzdyń múdesi múlde eskerilmegen (http://adilet.zan.kz/kaz/docs/P090002102_#z0 ).

Buǵan deıingi Úkimettik Qaýlylardyń kóbinde, másele sheteldegi qazaqtarǵa qatysty bolǵan jaǵdaıda, «etnıkalyq qazaq ókilderinen ózge» nemese «Bul ulty qazaq azamattardan talap etilmeıdi» degen eskertpe sóılem  mindetti túrde qosylyp kelse, Kárim Másimov ekinshi márte qol qoıǵan Qaýlyda ol syzylyp tastalǵan!!!

 Mine, endi, QR - na kóship kelip, Turaqty tirkeýge turýǵa ótinish bergen óz qandastarymyzdan da «Kelgen eliniń ruqsat qaǵazy /kelý paraǵy/ nemese QR - na turǵylyqty kelýi jaıly ruqsat qaǵaz» jáne «Talap qaǵaz sottalǵandyǵy jaıly jáne ákimshilik jaýapkershilikke tartylǵandyǵy jaıly» eki anyqtama talap etiletin boldy. Joǵarydaǵy «SPRAVKA» - ny ózi kelgen elinen «ákelgen» osy «EKI ANYQTAMA» negizinde alady.

Basqa eldi bilmeımin, bul anyqtamalardyń Qytaıda múlde berilmeıtinin biz myna jerde (http://abai.kz/node/41201) aıtqamyz.

Qysqasy, K.Másimov Qaýlysynyń (28.03.2012, №362) shartyna saı, Elshilikter kelisim bermese, qazaqtardy budan bylaıǵy jerde turaqty tirkeýge turǵyzyp, tarıhı Otanynda qaldyrýǵa  Qazaqstan Úkimetiniń qaýqary joq. Olar, kelgen eline keri qaıtýǵa májbúr...

Qazaq kóshiniń jırma jyldan asa tarıhynda elge oralǵan qandastarymyz dál osyndaı qoldan qıyndatylǵan kedergige kezdesken emes!

Al, Úkimet basshysy aýysqaly, Serik Ahmetov Premer-Mınıstr bolyp kelgeli qashan?! Sodan beri bul másele BAQ - ta kún qurǵatpaı aıtylyp keledi, aıtylyp keledi... Biraq, Úkimette ún joq, ne bilgen oıy baryn boljaý bizge qıyn. Shamasy, Prezıdent Apparaty men Memlekettik Hatshylyqtyń tizginin qosarlap ustaǵan sol Eks-Premer jańa Úkimetti jelkesinen áli tuqyrtyp otyrǵan bolsa kerek!? Sondyqtan mynadaı málimdeme jasaýyma týra keldi:

Qurmetti Serik Nyǵmetuly!

Keshke deıin Úlken kisini aıǵaılata bermeı, bir ýaq uıqyńyzdan oıanyp, serpilseńizshi! Siz kósh baǵytyn máńgilikke túzegen Qazaqstan degen Táýelsiz eldiń zańdy Premer - Mınıstrisiz! Sizdi osy eldiń Parlamentiniń qos palatasy maquldaǵan soń baryp, Elbasy taǵaıyndaǵan. Sonda biz Sizge, Qazaq kóshiniń tamyryna qan júgirtetin shyǵar dep, úlken úmit artqamyz (http://abai.kz/node/1500). Syrttan kóship keletin ár qazaqty osy elde turaqty tirkeýge turǵyzý - turǵyzbaý – ózge memlekettiń Elshiliginiń enshisinde emes, Qazaq Eliniń óz Úkimetiniń – Sizdiń quzyryńyzdaǵy sharýa! Erkińizdi elge nege bıletesiz!!!

Kórdińiz be, Qazaq Úkimeti Qazaq kóshin toqtyp edi, Edýard Lımonov «Qazaqstannyń soltústik aımaǵyn qarpyp qalý kerek!» dep aıqulaqtanyp shyǵa keldi (http://abai.kz/content/kazakstannyn-solt-stigin-karpyp-kaluymyz-kerek). Sóz joq, bul – Qazaq bıliginiń qaýqarsyzdyǵy men salbókseliginiń kesirinen bolǵan is. Siz Qazaqstannyń soltústik aımaǵyn shetten kelegen QAZAQQA toltyryp tastańyzshy, ozbyr kórshiniń óńeshine qum quıylady.

Sodyqtan, О́zińizdi shyn mánindegi Máńgilik Eldiń Premer-Mınıstrmin dep esepteseńiz, óz qolyńyzben tez arada qandastarymyzǵa Qytaı Elshiligi beretin  ana basy artyq «SPRAVKA» - nyń kúshin birden joıyp, «Sheteldikter men azamattyǵy joq adamdardy tirkeý jáne olarǵa Qazaqstan Respýblıkasynda turaqty turýǵa ruqsat berý boıynsha memlekettik qyzmet standartyn» eń aldymen qandastaryńyzdyń turaqty tirkeýge turýyna tıimdi etip jańa Qaýly shyǵaryńyz! Bolamasa, Máńgilik Eldiń bedelin túsirmeı, qazaqty azapqa salmaı, tolyq quramyńyzben  otstavkaǵa ketińiz!!!

Aýyt Muqıbek

Astana 

24.02.2014