Qazaqstan Saıragúl Saýytbaıǵa pana bola almady

Qytaı-Qazaqstan shekerasynan zańsyz ótken etnıkalyq qazaq Saıragúl Saýytbaı Qazaqstanda qalmaıtyn boldy dep jazadyQamshy.kz aqparat agenttigi.

Bul týraly Saýytbaıdyń advokaty Aıman Omarova óziniń Facebook paraqshasynda jazdy. Onyń jazýynsha, Saıragúl Saýytbaı isine BUU aralasyp, ony Shvesııaǵa jibergen.

"Qosh bol, Saıragýl! Jolyń bolsyn! Baqytty bol! Atajurtyńda qazaqpyn dep asyǵyp, Qytaıdan qashyp kelgende pana bermesede, endi ómiriń dúnıe júzinde eń damyǵan memkelet esigin ashty! Umytpa! Sen árdaıym NAǴYZ QAZAQTYŃ QYZY ekenińdi", - dep jazdy Aıman Omarova.

Aıman Omarovanyń Azattyq Radıosyna aıtýy boıynsha, Saıragúl Saýytbaı otbasymen birge maýsymnyń 3-i qaraǵan túni Almatydan Shvesııaǵa ushyp ketken.

- Biz buǵan deıin úshinshi elden kómek suraıtynymyzdy aıtqan edik qoı. Negizi BUU sot ótpeı eshqashan ruqsat etpeıtin. Zańda da solaı. Biraq men AQSh-qa ótinish ettim. BUU-na barlyq mán-jaıdy jetkizdik. Uıymnyń bosqyndar jónindegi komıssarıaty Saıragúlge erekshe jaǵdaı jasady, Shvesııa ózine kelýge ruqsat etti, - dedi advokat.