• USD 468.56

  • EUR 497.56

  • RUB 7.3

  • CNY 67.18

03 Aqpan, 11:11:09
Almaty
+3°

Elimiz egemendigin alǵan soń shetelde turatyn qandastarymyz Otanyna jappaı orala bastady. Táýelsizdik arqyly qazaq ǵasyrlar boıy ańsaǵan armanyna qol jetkizdi. Táýelsizdigimizdiń arqasynda Otanyna jete almaı júrgen qazaqqa úlken múmkindik berdi. Mine sonyń arqasynda shetelde júrgen mıllıondaǵan qandastarymyzdyń urpaqtary Qazaqstan Respýblıkasynyń Tuńǵysh Prezıdenti N.Á.Nazarbaevtyń bastamasymen alys jáne jaqyn shet elderdegi etnıkalyq qazaqtardy qoldaý maqsatynda 2001 jyldyń 1-qazanynan bastap Ál-Farabı atyndaǵy Qazaq ulttyq ýnıversıteti JOO-ǵa deıingi bilim berý  fakýlteti (burynǵy shetel azamattaryna arnalǵan daıyndyq fakýlteti) shetelden kelgen qazaq jastaryn oqytýdy mindetine aldy.

Osy jyldar aralyǵynda fakýltetimizdegi bilikti de bilimdi, tájirıbeli ustazdardan 3000-nan astam qazaq jastary bilim aldy. Olar – Qytaı, Mońǵolııa, Iran, Aýǵanstan, Túrkııa, Germanııa, Fransııa, Ulybrıtanııa, Shvesııa, Saýd Arabııasy, Túrkmenstan, О́zbekstan, Qyrǵyzstan, Tájikstan, Reseı, Latvııadan atamekenine kelip óz ana tilinde bilim nárimen sýsyndady. Bilim alǵan jastardyń kópshiligi joǵary bilimdi, bilikti maman bolyp, atamekeninde qalyp, qazirgi tańda olar elimizdiń ıntellektýaldy áleýetin arttyrýǵa óz úlesterin qosýda.

Alǵashqy túlekterimiz qazir elimizdiń túkpir-túkpirinde joǵary oqý oryndarynda jáne túrli salada jumys jasaýda. Atap aıtar bolsaq, Ál-Farabı atyndaǵy Qazaq ulttyq ýnıversıteti, L.Gýmılev atyndaǵy Eýrazııa ulttyq ýnıversıteti, Q.Sátbaev atyndaǵy Qazaq ulttyq tehnıkalyq zertteý ýnıversıteti, M.O.Áýezov atyndaǵy Ádebıet jáne óner ınstıtýty, Almaty tehnıkalyq ýnıversıteti, Abaı atyndaǵy Qazaq ulttyq pedagogıkalyq ýnıversıteti, T.Júrgenov atyndaǵy Qazaq ulttyq óner akademııasynda  jáne taǵy sol sııaqty basqa oqý oryndarynda jumys jasaýda.

Sonymen qatar Qamshy.kz aqparat agentiginiń dırektory Bilál Qýanysh, jýrnalıst, aqyn Jaqsylyq Qazymurat, ánshi, sazger Ushqyn Jamalbek, S.Seıfýllın atyndaǵy mýzeıdiń ǵylymı qyzmetkeri Alash Tursynáli, ánshi, sazger Asqar Ákimbek, dramatýrg Ánnes Baǵdat, «Attila Group» kompanııanyń dırektory Arshyn Qýandyq, daryndy sýretshi Marına Oqap, Nazarbaev atyndaǵy zııatkerlik mekteptiń muǵalimi Nurgeldi Ábeý,   jáne t.b.

Shet elden tarıhı otanyna bilim alýǵa kelgen qazaq jastaryn elimizdiń – táýelsiz Qazaqstannyń – qazirgi ahýalyna beıimdep, sonymen qatar olardyń atamekenine degen súıispenshilik sezimin arttyryp, elimizdiń ekonomıkalyq-áleýmettik, ıntellektýaldyq áleýetin damytýǵa óz úlesterin qosýǵa umtyldyrý maqsatynda JOO-ǵa deıingi bilim berý fakýltetiniń ustazdar ujymy tárbıelik, tálimdik máni zor is-sharalardy, mádenı-tanymdyq saıahat sabaqtaryn, kásibı baǵdarlyq beıindik sabaqtarymen qatar, ártúrli taqyryptar aıasynda shyǵarmashylyq baıqaýlar, kezdesýler ótkizip, uıymdastyrady jáne týǵan elge taban tiregen ónerli jastardyń shyǵarmashylyǵyn shyńdaýǵa kóp kóńil bóledi.

Fakýltetimizge bilim alýǵa keletin qandastarymyzdyń bir qatary talantty da belsendi, bilimdi de oıly, bes saýsaǵynan óner tamǵan jastar bolyp keledi. Osyndaı jastardyń arasynda – Kún asty elin óz jańalyqtarymen moıyndatqan jas ónertapqyshtar, qazaqtyń aqyndyq darynyn, jyrshy-termeshilik ónerin meńgergen jastar jáne aǵashtan túrli buıymdar jasaıtyn sheber jigitter, quraq quraý, qazaqy naqyshtaǵy kıim úlgileri men oıýlap keste tigý sııaqty taǵy basqa túrli ónerdi ıgergen qyzdar bilim alýda.

Fakýltetimiz segiz qyrly, bir syrly ónerli jastarǵa qoldaý kórsetip, olardy aqparat quraldary arqyly kópshilikke tanystyryp, ónerlerin jetildire, shyńdaı túsýine múmkindik jasaýda.

Jyl saıyn ýnıversıtetimizde dástúrli túrde ótkiziletin «Stýdenttik kóktem» festıvalde, «Farabı álemi» atty stýdentter men jas ǵalymdardyń halyqaralyq ǵylymı konferensııasyna qatysyp árdaıym júldeli oryndarǵa ıe bolyp kele jatqanyn maqtanyshpen aıtýǵa tolyq bolady.

Búgingi fakýltet tyńdaýshysy erteńgi stýdent, al stýdent - bolashaq maman bolary anyq. Bilimge, ǵylymǵa bar yqylasymen bet-burǵan jastar mindetti túrde maqsattaryna jetedi degen senimdemiz.

Kez-kelgen órkenıetti el óziniń áleýmettik damýynda aldymen jastardyń ınnovasııalyq ıdeıalaryn damytýǵa, olardyń shyǵarmashylyq qyrlary men ǵylymı-izdenis qabiletterin qalyptastyrýdy basty mindet etip qoıady.

Sondyqtan atamekenge taban tiregen osyndaı ónerli qandastarymyzǵa qoldaý jasap, olardyń qataryn kóbeıtip óz eliniń azamaty atanýǵa jaǵdaı jasaý, olarǵa durys baǵyt-baǵdar bere otyryp fakýltetimizdiń daıyndyq bóliminde bilim alyp shyǵatyn qazaq dıaspora ókilderiniń ári qaraı Qazaqstan Respýblıkasynyń joǵarǵy oqý oryndarynda bilimderin tereńdetip jalǵastyrýǵa jol silteý bizdiń mindetimiz dep esepteımiz.

 

 

 

M.B.Amırkanov

Ál-Farabı atyndaǵy QazUÝ

JOO-ǵa deıingi bilim berý

fakýlteti dekannyń oqý-ádistemelik

jáne tárbıe jumysy jónindegi orynbasary

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir