Mıhaıl Lomtadze: Klıentterimizge qansha aqsha kerek bolsa, sonsha jetkiziledi. О́ıtkeni...

Qurmetti Kaspı Banktiń klıentteri men seriktesteri! Sońǵy kezderi qazaqstandyq bankterge qatysty shıeleniske jaıttar kóbeıip ketti. SMS-habarlamalar arqyly taralyp júrgen mundaı qaýeset áńgimeler halyqtyń, ásirese, depozıt ustaýshylardyń dúrligýine ákelip soqtyrady, saldarynan kommersııalyq bankterdiń qalypty jumysy qıyndaı túsedi. Atalǵan jaǵdaıdyń elimizde oryn alǵan, halyqtyń senimine nuqsan keltirgen devalvasııamen tuspa-tus kelýi de tegin emes. Alaıda devalvasııa men kommersııalyq bankterdiń jumysyn bólek-bólek qarap, týyndaǵan jaǵdaıǵa tereńinen úńilý kerek. Atalǵan jaǵdaı arandatýshylyq sms-habarlamalardyń saldarynan ýshyǵyp otyr, olardy jiberýshiler de belgisiz ári olarǵa senýge de negiz joq. Soǵan baılanysty Kaspi Bank-tiń menedjmenti men aksıonerleriniń atynan Mıhaıl Lomtadze men Vıacheslav Kım elimizde bolyp jatqan jaǵdaıǵa qatysty óz pozısııasyn usynyp otyr. 1. Qazaqstannyń banktik naryǵyndaǵy bul turaqsyzdyq birinshi ret oryn alyp otyrǵan joq. Osy ýaqytqa deıingi qyzmet barysynda baı tájirıbe jınaǵanymyzdy, Kaspi Bank-tiń óz mindettemelerin únemi oryndaǵanyn ári klıentteriniń múddesin qashan da tolyq qorǵap otyrǵanyn maqtan etemiz. 2. Kaspi Bank klıentteriniń qajettilikterin tolyq kólemde oryndap keldi, oryndap jatyr ári keleshekte de oryndaı bermek. Atap aıtqanda búgingi kúni elimiz boıynsha bizdiń banktiń bólimshelerine ádettegiden qaraǵanda, 5 ese kóp qolma-qol aqsha jetkizildi jáne klıentterimizge qansha kerek bolsa, sonsha jetkiziledi. 3. Kaspi bank – barlyq bankterden góri uzaq ári kóp jumys isteıtin Qazaqstandaǵy jalǵyz bank. Klıentterimizge yńǵaıly bolý úshin aptasyna 7 kún saǵat 20.00-ge deıin, senbi jáne jeksenbi kúnderi de jumys isteıdi. 4. Eger klıentterimizdiń biri bankpen ornatqan qatynasyn merziminen buryn toqtatqysy kelse, biz olardyń talabyn belgilengen tártippen barynsha qysqa merzimde qanaǵattandyryp beremiz. 5. Kaspi Bank-tiń aksıonerleri aıtarlyqtaı resýrstar men aktıvterge ıe jáne qajet bolǵan jaǵdaıda bul resýrstardy klıentterdiń qajettilikterin oryndaý úshin tolyq kólemde berýge daıyn ekenin resmı habarlaıdy. 6. Barlyǵy 3.7 mıllıard AQSh dollarynan astam kapıtaly bar Baring Vostok Capital Partners ınvestısııalyq qory kaspi bank-tiń ınvestory bolyp tabylady. 7. kaspi bank-tiń atyna aıtylǵan, onyń iskerlik bedeline kir keltiretin kez kelgen málimdemeler jalǵan, arandatýshylyq aqparat bolyp tabylady ári josyqsyz básekelestiktiń ǵana kórinisi. 8. Biz jaqyn ýaqytta naryqtaǵy ýshyqqan jaǵdaı basylady dep oılaımyz jáne bizdiń ózimizdiń adal klıentterimizben birge damýdyń jańa belesine abyroımen kóteriletinimizge nyq senimdimiz. 9. Biz, Mıhaıl Lomtadze, Vıacheslav Kım, kaspi bank-tiń menedjmenti men aksıonerleri retinde, barlyq klıentterimizge kaspi bank-tiń birde-bir klıentiniń senimine nuqsan keltirmeıtinin jáne óziniń mindettemelerin tolyqtaı oryndaıtynyn rastaımyz. Banktiń tabysty jumysynyń kópjyldyq tarıhy, Qazaqstandaǵy jetekshi ári eń iri jekelep satatyn bank retinde onyń jetistikteri, jáne biz – óziniń klıentterimen árdaıym ashyq sóılesetin adamdar – osynyń bári múddelerińizdiń tolyqtaı saqtalyp, qorǵalatynyna kepildik bolyp tabylady.