Lımonov "sandyraǵy" týraly Reseı resmı túsinikteme berýi kerek

Orystyń belgili oppozısıoner  saıasatkeri Edýard Lımonov Kremlge "búırekten sıraq shyǵaratyn"  keńes aıtty.  Saıasatker-symaqtyń aıtýynsha, Qazaqstannyń qazirgi  prezıdenti ketisimen, Soltústik Qazaqstan  oblystaryn  qosyp  alýdy týraly  oılanýǵa keńes  beripti,  dep  habarlaıdy  Total.kz.

"Qazaqstanda memleketke  qolaısyz devalvasııa,  prezıdent  Nazarbaev  qartaıyp  barady, naqty  murageri  joq",- dep  jazypty  Facebook paraqshasynda.  Onyń aıtýynsha, Ýkraınanyń da  taǵdyry Reseımen  baılanysty,  shyǵys aımaqtary  da Máskeýdiń  qol astyna kirý  kerek.

   Bul Lımonovtyń  Qazaqstanǵa  birinshi  ret  shúıligýi  emes. 90-jyldary  da  "aıqaıshyl"  jazýshy Kókshetaý oblysyndaǵy  jergilikti kazaktardyń qoldaýymen kóterilis  uıymdastyrmaqshy bolǵan eken. Alaıda, "revolıýsııashyl" topty  2001 jyly Qazaqstannyń arnaıy áskerı kómegimen joıylyp, Lımonovtyń ózi Taýly Altaıdy  ustalǵan eken. Onda  ol partızandyq  baza  uıymdastyrǵan kórinedi.  Qarý saqtaǵany  úshin  olar ár túrdi  jaza  merzimin alǵan-dy.

Fb qoldanýshysy Erik  Teńizbaev qazaq  jurtshylyǵynyń  mundaı  sandyraqqa  narazy  ekenin aıta kelip, Syrtqy Ister  Mınıstrligi  únsiz  qalmaı,  Reseı  tarapynan  máseleniń mánisin resmı túrde túsindirýin  talap  etsin deıdi.  Qazaqstannyń  derbes memleket ekenin, onyń táýelsizdigine  qol suǵýǵa eshkimniń quqy  joq ekenin qýattaıdy.

Syrtqy ister mınıstrligi mamandary reseılik áriptesterine Lımonov "usynysynyń" pozısııasyna qatysty túsindirýdi talap etken nota joldaýdy uıǵardy. "Reseı - bizdiń dosymyz, Qazaqstannyń odaqtasy ári strategııalyq seriktesi. Lımonovtyń aqylǵa syımaıtyn málimdemesiniń Reseıdiń Qazaqstanǵa qatysty syrtqy saıası baǵytyna qatysy joq. Biz reseılik serikterimizdiń Lımonovtyń oǵash áreketine tıisti baǵasyn beretinine eshqandaı kúmán keltirmeımiz", -deıdi  mınıstrliktegiler