10 Shilde, 2024 NEWS
Áıelin soqqyǵa jyqqan er adamdarǵa psıhologııalyq kómek kórsetiledi
Psıhologııalyq kómek emhanalarda kórsetiledi.
Kórneki sýret
Zorlyq-zombylyqqa qatysty ákimshilik nemese qylmystyq quqyqbuzýshylyq jasaǵan tulǵalarǵa emhanalarda psıhologııalyq qoldaý kórsetiledi.
Densaýlyq saqtaý mınıstri 2024 jylǵy 29 maýsymdaǵy buıryqpen densaýlyq saqtaý uıymdarynda ákimshilik, qylmystyq quqyqbuzýshylyq jasaǵan adamdarǵa psıhologııalyq kómek kórsetý qaǵıdalaryn bekitti.
Bul kómek minez-qulyqty ózgertýge jáne kelesi oqıǵalardyń aldyn alýǵa baǵyttalǵan. Sessııalardy osyndaı klıenttermen jumys isteý úshin arnaıy daıyndalǵan psıhologtar júrgizedi, onyń ishinde senimdi qarym-qatynas ornatý, minez-qulyq aspektilerin túzetý jáne aralasý nátıjelerin baǵalaý kezeńderi qamtylǵan.
Kómek sot aktisi negizinde kórsetiledi. Psıhologııalyq konsýltasııalar psıholog kabınetinde júrgiziledi. Mundaı adamdarǵa psıhologııalyq kómek kórsetýge qarsy kórsetkishter retinde stasıonarlyq emdeýdi qajet etetin aýrýlardyń nemese juqpaly aýrýlardyń bolýy dep tanyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir