Foto: Ashyq derekkóz
Qyrǵyzstan prezıdenti Sadyr Japarovtyń qaryndasyna úılenýge usynys jasaǵan jigit ustaldy. Aqparatty Sadyr Japarovtyń baspasóz hatshysy Asqat Alagózov óziniń áleýmettik jelidegi paraqshasynda rastap, túsinikteme berdi.
"Prezıdent Sadyr Japarovtyń inisiniń qyzyna sóz salǵan jigitti quqyq qorǵaý organdary ustaǵanyn rastaımyz. Lázzat Nurqojaevanyń kúıeý jigiti tikushaqpen usynys jasaǵannan keıin tanymal boldy. Bul jigittiń negizgi maqsaty óziniń zańsyz áreketin qorǵaý úshin bılikte óz adamyn tabý boldy dep aıtýǵa tolyq negiz bar", - dedi prezıdenttiń baspasóz hatshysy.
Ustalǵan jigit pen onyń sybaılastarynyń zańsyz áreketteri týraly tergeý júrgiziletin boldy.
Eske sala keteıik, jaqynda Sadyr Japarovtyń inisiniń qyzy áleýmettik jelide qyzý talqyǵa túsken bolatyn. Oǵan úılenýge usynys jasaǵan er adam Qyrǵyz Respýblıkasynyń Tótenshe jaǵdaılar mınıstrliginiń tikushaǵyn paıdalanǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir