10 Shilde, 2024 NEWS
Astanada avtobýs júrgizýshisiniń betine ballonnan burysh shashqan buzaqy qamaýǵa alyndy
Qoǵamdyq kólik júrgizýshisine ballonnan burysh shashqan buzaqy qamaýǵa alyndy.
Foto: ashyq derekkózden
Elordalyq polısııa departamentiniń málimetinshe, oqıǵa kúndiz Qaldaıaqov kóshesinde bolǵan. Avtobýspen Kia avtokóliginiń júrgizýshisi janjaldasyp qalǵan.
“Jeńil kóliktiń júrgizýshisi aıaldamaǵa toqtaǵaly jatqan qoǵamdyq kóliktiń jolyn kesip ketken. Sóıtip avtokóliktiń júrgizýshisi avtobýsqa jaqyndap kelip júrgizýshige ballonnan burysh shashyp, qashyp ketken”, – delingen habarlamada.
Jedel izdestirý sharalarynyń nátıjesinde Kia avtokóliginiń 37 jastaǵy júrgizýshisi ustalyp, kólik kommýnaldyq turaqqa qoıyldy. Sot sheshimine sáıkes, astanalyq turǵyn buzaqylyq jasaǵany úshin 10 táýlikke qamaýǵa alyndy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir