4,8 mlrd teńgeden astam sýbsıdııa zańsyz tólenip, urlanǵan

Almaty oblysynyń prokýratýrasy oblystyń aýyl sharýashylyǵy basqarmasyn tekserý nátıjeleri boıynsha bıýdjettik sýbsıdııalardy urlaýdyń, olardy zańsyz tóleýdiń jáne sharýalarǵa “tańdaý ádisimen” tólengen júıeli shemalaryn anyqtady.

Sýbsıdııalaý salasyndaǵy qaıtarylýǵa jatatyn buzý somasy 4,8 mlrd teńgeden asty.

Prokýratýranyń qadaǵalaý aktisi boıynsha óteý prosesi bastalyp, búginde bıýdjetke 110 mln teńge qaıtaryldy.

Aýyldardaǵy áleýmettik-óndiristik kooperatıvter asyl tuqymdy janýarlardy alý maqsatynda seleksııalyq jumystarǵa arnalǵan 1,2 mlrd teńge sýbsıdııany urlaǵan.

Is júzinde bul jumystar oryndalmaı, qujattar resmı túrde resimdelip, oblysta asyl tuqymdy mal sany ulǵaıtylmaǵan.

Oblys ákimdiginiń eseptik derekteri boıynsha asyl tuqymdy mal sharýashylyǵyn damytý boıynsha belsendi jumys júrgizilýde.

Asyl tuqymdy qoılardy seleksııalaý baǵdarlamasyn iske asyrý nátıjeleri boıynsha 4 jylda olardyń sany 1,9 mln-ǵa deıin ulǵaıtyldy.

Alaıda, derekter tek qaǵaz júzinde qaldy, prokýrorlyq tekserý oblys boıynsha asyl tuqymdy qoılardyń sany nebári 367 myń bas ekenin kórsetti.

Oblysta aýyl sharýashylyǵyn damytýdyń tıimdiligin taldaý jalǵasýda.

Mysaly, Uıǵyr aýdanynda tirkelgen janýarlar joq bola turyp, 2023 jyly seleksııalyq jumystardy júrgizgeni úshin 45,2 mln.teńge somasyna sýbsıdııa aldy.

Sýbsıdııa alǵan kezde bul kooperatıv óziniń jeke aýlasy retinde Uıǵyr aýdanyny turǵyndarynyń aýylsharýashylyq janýarlaryn tirkegen.

Ákimdik mal basynyń naqty saqtalýyna monıtorıng júrgizbegendikten, memlekettik bıýdjetke zalal keltirilýde.

Urlaý faktileri boıynsha sotqa deıingi 5 tergeý bastalyp, zańsyz tólengen sýbsıdııalardy qaıtarýǵa 3 usyný engizildi.