09 Shilde, 2024 NEWS
Qazaqstanda aqyly jolǵa ýaqytyly tólem jasamaǵandarǵa jańa aıyppul túri engizilmek
Kólik mınıstri Marat Qarabaev Qazaqstanda aqyly joldarǵa ýaqytyly tólem jasamaǵandarǵa aıyppul salýdy avtomattandyrý prosesi qaralyp jatqanyn málimdedi.
Foto: kolesa.kz
Mınıstrdiń aıtýynsha, joldardyń sapasy olardy ustaý jaǵdaıyna baılanysty bolady. Elimizde respýblıkalyq mańyzy bar 25 myń shaqyrym joldy ustaýǵa 80 mıllıard teńge qajet eken.
"Bıýdjetke aýyrlyq salmas úshin aqyly joldardy engizý jalǵasady. Qarajat joldardy kútip ustaýǵa, aǵymdaǵy jóndeýge jáne tehnıka satyp alýǵa baǵyttalmaq. Qazir aqyly joldarda tólemdi ýaqytyly jasamaǵandarǵa aıyppuldy avtomattandyrý prosesi pysyqtalyp jatyr", – dedi mınıstr.
Qarabaev qaıta jóndeýden ótken joldardy normatıvtik deńgeıde ustaý maqsatynda bıyl uzyndyǵy 2 myń shaqyrym bolatyn taǵy 11 jol ýchaskesi aqyly bolatynyn málimdedi:
- Qyzylorda-Aral;
- Aqtóbe-Orynbor;
- Qostanaı-Troısk;
- Qostanaı-Denısovka;
- Aqtaý-Beıneý;
- Qandyaǵash-Maqat;
- Balqash-Býrylbaıtal;
- Býrylbaıtal-Shý;
- Úsharal-Dostyq;
- Qaraǵandy aınalma joly;
- Taraz aınalma joly". Kólik mınıstrliginiń basshysy jergilikti júrgizýshilerge jeńildikter qarastyrylatynyn atap ótti. Aqyly jolda negizgi júkteme Qazaqstan arqyly ótetin tranzıt avtomobılderge baǵyttalady. Aıta keteıik, qazir aqyly joldardyń jalpy uzyndyǵy – 3,2 myń shaqyrym. О́tken jyly aqyly joldan 30 mıllıard teńge jınalǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir