05 Shilde, 2024 NEWS
ShYU sammıti aıaqtalyp, terrorıstik qaýiptiń «sary» deńgeıi alyndy – jedel shtab
Shanhaı yntymaqtastyq uıymyna múshe memleketter basshylarynyń sammıti men Qytaı Halyq Respýblıkasy Tóraǵasynyń memlekettik sapary aıaqtaldy.
Foto: ashyq derekkózden
Osyǵan baılanysty «Terrorızmge qarsy is-qımyl týraly» Zańnyń 13 jáne 15-baptaryna sáıkes kúzetiletin tulǵalardyń qaýipsizdigin qamtamasyz etý boıynsha Kúzet is-sharalaryn ótkizý kezinde terrorızmge qarsy kúres jónindegi respýblıkalyq jedel shtabtyń basshysy retinde Qazaqstan Respýblıkasy Memlekettik kúzet qyzmeti bastyǵy terrorızmge qarsy operasııa rejımin 4 shildeniń 23 saǵat 59 mınýtynan Astana qalasynda alyp tastaý týraly sheshim qabyldandy.
Sonymen qatar Qazaqstan Respýblıkasy Prezıdentiniń 2013 jylǵy 9 tamyzdaǵy №611 Jarlyǵymen bekitilgen «Terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesiniń uıymdastyrylýy men jumys isteý qaǵıdalaryna» sáıkes Astana, Almaty, Qaraǵandy jáne Kókshetaý qalalarynda 4 shildeniń 23 saǵat 59 mınýtynan terrorıstik qaýiptiliktiń birqalypty («sary») deńgeıi alyp tastalynady.
«Kúshtik qurylym bólimsheleri shtattyq rejımdegi jumysqa kóshedi»,-delingen Terrorızmge qarsy kúres jónindegi respýblıkalyq jedel shtab habarlamasynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir