• USD 468.56

  • EUR 497.56

  • RUB 7.3

  • CNY 67.18

25 Shilde, 15:54:06
Almaty
+35°

04 Shilde, 2024 NEWS

Prezıdent "Shanhaı ondyǵyna" kiretin elder úshin basty baǵyttardy atady

Memleket basshysy "Shanhaı ondyǵyna" kiretin elder úshin strategııalyq mańyzy bar basty baǵyttarǵa toqtaldy.

Foto: Akorda.kz

Prezıdent qaýipsizdik salasyndaǵy ózara senim men yntymaqtastyqty nyǵaıtýdy birinshi mańyzdy baǵyt retinde atady.

"Qazirgi kúrdeli ahýal – negizinen halyqaralyq qatynastar júıesindegi daǵdarys saldary. Osy rette halyqaralyq quqyqtyń kemshin tustaryn túzep, geosaıası turǵydan jikke bólinýge jol bermeý maqsatymen, túptep kelgende, jahandyq aýqymdaǵy beıbitshilik pen qaýipsizdikti nyǵaıtý úshin ShYU óziniń turaqtandyrýshy jáne jasampazdyq rólin kúsheıtýge tıis", – dedi Prezıdent.

Memleket basshysynyń aıtýynsha, Shanhaı yntymaqtastyq uıymy búkil Eýrazııa qurlyǵyndaǵy beıbitshilik pen qaýipsizdikti qamtamasyz etýge kepil bolatyndaı aıryqsha múmkindikterge ıe. Uıymǵa múshe memleketterge "Ádil álem, kelisim jáne damý jolyndaǵy jahandyq birlik týraly" ShYU bastamasyn júzege asyrý dál osy maqsatpen usynyldy. Prezıdent Áskerı saladaǵy senim sharalary týraly kelisimdi ázirlep, qabyldaıtyn ýaqyt kelgenin aıtty.

Bul rette "Úsh zulym kúshpen" kúres máselesi árdaıym jiti nazarda bolýǵa tıis. Qasym-Jomart Toqaev kıberqaýipsizdikti kúsheıtý Uıymǵa múshe elderge ortaq taǵy bir mańyzdy mindet ekenine nazar aýdardy.

Sonymen qatar ShYU-ǵa múshe memleketterdegi aqparattyq ınfraqurylymnyń turaqty jumysyn qamtamasyz etý úshin udaıy aqparat almasýǵa, úzdik tásilder men ozyq tájirıbelerdi qoldanýǵa baǵyttalǵan arnaıy mehanızm ázirleýdi usyndy. Qazaqstan Prezıdentiniń pikirinshe, búgin halyqaralyq aqparattyq qaýipsizdikti qamtamasyz etý máseleleri boıynsha qabyldanatyn О́zara is-qımyl jospary atalǵan maqsattarǵa saı keledi.

"Qamshy" silteıdi
Ilmek sózder: ShYU

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir