04 Shilde, 2024 NEWS
Aqtóbe qalasynda tasqynnan zardap shekken turǵyndarǵa baspana berilip jatyr
Úıinen aıyrylǵan jurtqa páter kiltteri tabystalyp jatyr.
Foto: ashyq derekkózden
Dúnıe-múlki búlinip, dalada qalǵan 97 otbasy jańa páterge kóship úlgergen eken. Al sý basyp, apatty dep tanylǵan úıler kezeń-kezeńimen súrilip jatyr.
Saıajaı aýmaǵyndaǵy turýǵa jaramsyz baspanalar aýyr tehnıkanyń kúshimen buzylyp jatyr. Bul jumystar turǵyndardyń kelisimimen jasalady. Al jalǵyz úıinen aıyrylǵan jurtqa páter kiltteri tabystalyp jatyr.
Qalada jer úıler salynyp jatqan joq. Halyqqa tek jańa jáne ekinshi naryqtaǵy kópqabatty úılerden baspanalar beriledi. Jalpy óńirde baǵalaý komıssııasy jumysyn áli aıaqtaǵan joq. Sondyqtan naqty qansha úıdiń apatty ekeni ázirge belgisiz.
Sonymen qatar jóndeý jumystaryn júrgizý úshin turǵyndarǵa ótemaqy tólenip jatyr. Búgingi tańda 2 jarym myń otbasyna 9 mıllıard teńgege jýyq qarajat berilgen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir