03 Shilde, 2024 NEWS
Qyrǵyzstannan Qazaqstanǵa qutyrǵan maldyń eti ákelinip jatyr ma?
Bul aqparatqa mınıstrlik ókilderi jaýap berdi.
Kórneki sýret
WhatsApp messendjerinde Qazaqstanǵa Qyrǵyzstannan qutyrý aýrýyna shaldyqqan maldyń eti ákelingeni týraly aýdıojazba tarady. Aýyl sharýashylyǵy mınıstrligi bul aqparatty joqqa shyǵardy.
Aýdıojazbada er adam Qyrǵyzstannan elimizge qutyrý aýrýyna shaldyqqan maldyń eti ákelinip jatqanyn aıtqan.
Qazaqstannyń aýyl sharýashylyǵy mınıstrligi munyń jalǵan ekenin málimdedi.
"Bul aqparat shyndyqqa sáıkes kelmeıdi, óıtkeni Qyrǵyzstannan et ónimderin ákelýge shekteý engizilgen. Bul shara osy respýblıkadaǵy janýarlardyń qaýipti aýrýlary boıynsha qolaısyz jaǵdaıǵa baılanysty qabyldandy", – delingen vedomstvo jaýabynda.
Mınıstrlik etti kontrabandalyq jolmen ákelý faktisi rastalǵan jaǵdaıda, qazaq-qyrǵyz shekarasynda baqylaýdy kúsheıtý sharalary qabyldanatynyn atap ótti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir