03 Shilde, 2024 NEWS
Toqaev: Qytaı qazaq halqyna eshqashan jamandyq jasaǵan joq, járdem ǵana bergen
Bul týraly Memleket basshysy Qasym-Jomart Toqaev Aqordada QHR tóraǵasy Sı Szınpınmen kezdesýinde aıtty.
Foto: Aqorda
- Eń aldymen shaqyrýymdy qabyl alyp, Qazaqstanǵa memlekettik saparmen kelgeni úshin qadirli dosym Sı Szınpın myrzaǵa shynaıy rızashylyǵymdy bildiremin. Osy saparyńyz qazaq-qytaı jylnamasyndaǵy aıtýyly ári tarıhı oqıǵa. Oǵan qosa bul eki el arasyndaǵy yntymaqtastyqty jańa deńgeıge kóterýge degen sizdiń nıetińizdiń aıqyn kórinisi dep bilemin. Men bul ıgi umtylysty tolyqtaı qoldaımyn, - dedi Toqaev.
Sondaı-aq ol eki el arasyndaǵy yntymaqtastyq odan ári bekı túsetinin aıtty.
- Bul bizdiń elderimizge ortaq qundylyqtar men ortaq ustanym dep aıtty. Onyń tarıhı tamyry tereńde jatqany sózsiz. Ejelden bizdiń halqymyz arasynda ózara qoldaý negizinde tyǵyz saýda jáne gýmanıtarlyq baılanystar belsendi damyp kelgen. Tarıh qoınaýyna úńiletin bolsaq, Qytaı eli qazaq halqyna eshqashan jamandyq jasaǵan joq, eshqandaı tosqaýyldar qurǵan emes, járdem ǵana bergen. Bizdiń elderimiz árdaıym ózara tyǵyz baılanysta jáne shynaıy qarym-qatynasta boldy. Búgin de solaı jáne solaı bolyp qala bermek. Men oǵan kámil senemin. Bir sózben, biz osy sara joldy mindetti túrde jalǵastyramyz. Halyqtarymyz arasyndaǵy san qyrly yntymaqtastyqty bekemdeı beremiz. Búgingi kelissóz nátıjeleri sonyń aıqyn dáleli, - dedi Prezıdent Aqordada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir