"Aılyǵym 89 myń teńge": Abaı oblysyndaǵy órtte qaza tapqan jigittiń ákesi ýáde etilgen járdemaqyny áli almaǵan

Jýrnalıst joıqyn órtten keıin óńirdegi ózgeristerdi baıqap qaıtty. Atap aıtqanda, jańa tehnıkalar, ormanshylardyń qazirgi ahýaly men jalaqysy týraly surady.

“Prezıdent apparatynan keletinderdiń aıtatyndary bir. Ýáde berip ketedi, biraq eshteńe oryndalmaıdy. Tehnıkany satyp alǵan, biraq ol qajetsiz bolyp shyqty. Jalaqyny kóterimiz dedi, qujatty mınıstrlikke jiberipti. Onyń qaralyp jatqanyna bir jyl boldy”, – deıdi ormanshylardyń biri.

Olardyń arasynda órt kezinde ulynan aıyrylǵan ormanshy da bar eken. Aıtýynsha, prezıdent járdemaqy beremiz dep ýáde etken. Alaıda ony oryndap jatqan eshkim joq.

“Men ulymnan aıyryldym. Qaza bolǵandardyń arasyndaǵy eń jasy edi. 24 jasynda ketti. Otbasymyzǵa kómektesti, biraq ýádelerin tolyq oryndaǵan joq. Páter, aqsha berdi. Odan bólek prezıdent otbasylarǵa járdemaqy beriledi dedi. Biraq biz ony ala almaı kelemiz. Zańǵa sáıkes berilmeıdi eken. Balamnan aıyrylsam da, osy jerde jumys istep kelemin. О́ıtkeni osy jerde týdym, bar ómirim osynda ótti. Taǵy bir ulym bar. Biraq ony bul jerge jolatpaımyn. Meniń ulymdy eshqandaı aqsha qaıtarmaıdy. Aılyǵym 89 myń teńge. Tek turaqty túrde jumys isteıtinderdiń jalaqysyn kóbeıtti. Al men mezgilmen jumys isteımin. “Semeı ormany” qyzmetkerlerdiń jumys istegenin qalaıdy, alaıda aılyqty kótergisi kelmeıdi”, – deıdi ormanshy. 

Al Borodýlıha aýdanyndaǵy orman sheberiniń aıtýynsha, ınspetorlardyń jalaqysyn 100% kótergen.

“Meniń orman sheberi bolyp qyzmet etip kele jatqanyma 10 jyldan asty. Buryn aılyǵym 120 myń edi. Qazir 260 myńǵa kóterdi. Munda meniń jumys tájirıbem men bilimim eskerilgen. О́rt sóndirý avtomobıliniń júrgizýshisi, operatorlar men vyshkarlardyń aılyǵyn kóterdi. Maýsymdyq qyzmetkerlerdiń jalaqysy kóterildi. Munda másele onyń qansha kún jumys isteıtininde. Maýsymdyq qyzmetkerler aýysymmen jumys isteıdi. Iаǵnı, bir aıda 10-15 kún jumysta bolady. Onda saǵatyna aqsha tóleıdi”, – deıdi jergilikti ormanshy.