• USD 468.56

  • EUR 497.56

  • RUB 7.3

  • CNY 67.18

25 Shilde, 15:44:09
Almaty
+35°

02 Shilde, 2024 NEWS

Tórt qalada terrorıstik qaýiptiliktiń «sary» deńgeıi belgilendi - UQK

Ulttyq qaýipsizdik komıteti Astana, Almaty, Qaraǵandy jáne Kókshetaý qalalarynda terrorızmge qarsy operasııanyń quqyqtyq rejımin engizý jáne terrorıstik qaýiptiliktiń «sary» deńgeıin belgileý týraly málimdeme jasady.

Foto: ashyq derekkózden

- Qurmetti astananyń, Almaty, Qaraǵandy jáne Kókshetaý qalalarynyń turǵyndary men qonaqtary! Qazaqstanda shildeniń 2-5 aralyǵynda birqatar mańyzdy halyqaralyq is-sharalar, onyń ishinde Shanhaı yntymaqtastyq uıymyna múshe memleketter basshylarynyń keńesi men Qytaı Halyq Respýblıkasy Tóraǵasynyń memlekettik resmı sapary ótedi. Osyǵan oraı álemge belgili tájirıbege sáıkes ýákiletti memlekettik organdar keletin sheteldik delegasııalardyń, olardyń ishinde memleket basshylary men halyqaralyq uıymdar basshylarynyń qaýipsizdigin joǵary deńgeıde qamtamasyz etýge tolyqqandy sharalar qabyldaıdy, - delingen komıtet málimetinde.

«Terrorızmge qarsy is-qımyl týraly» Zańnyń 12, 13 jáne 15-baptaryna sáıkes kúzetiletin tulǵalardyń qaýipsizdigin qamtamasyz etý boıynsha kúzet is-sharalaryn ótkizý kezinde Terrorızmge qarsy kúres jónindegi respýblıkalyq jedel shtabtyń basshysy retinde Qazaqstan Respýblıkasy Memlekettik kúzet qyzmeti bastyǵynyń sheshimi boıynsha Astana, Almaty, Qaraǵandy jáne Kókshetaý qalalarynyń jekelegen ýchaskelerinde terrorızmge qarsy operasııanyń quqyqtyq rejıminde quqyqtyq tártip pen qoǵamdyq qaýipsizdikti qoldaý is-sharalary ótedi. Quqyqtyq rejım 2 shildeniń 00 saǵat 01 mınýtynan bastap 4 shildeniń 23 saǵat 59 mınýtyna deıin Shanhaı yntymaqtastyq uıymynyń sammıti ótkiziletin obektiler aýmaǵyna jáne kúzetiletin tulǵalardyń júrý baǵyttaryna ornatylady.

Kúzetiletin tulǵalardyń Aqmola, Qaraǵandy oblysy men Almaty qalasy aýmaǵyna kelgen jaǵdaıda olar kelgen kezeńge jáne atalǵan óńirlerge bolatyn oryndaryna terrorızmge qarsy operasııanyń quqyqtyq rejımi ornatylatyn bolady. Terrorızmge qarsy operasııa ótkizý aımaqtarynda kúzetiletin tulǵalar bolǵan kezeńderinde ol aımaqtarda adamdardyń jáne avtokólikterdiń qozǵalýlaryna shekteý sharalary qoldanylady. Kúzetiletin tulǵalardyń júretin arnaıy trassalar ýchaskelerinde qalalyq jolaýshylar kólikteriniń qozǵalystary toqtatylady. Tıisti baǵdarlardaǵy ózgerýler týraly Astana qalasynyń ákimdigi habarlaıdy.

Budan basqa, Qazaqstan Respýblıkasy Prezıdentiniń 2013 jylǵy 9 tamyzdaǵy №611 Jarlyǵymen bekitilgen «Terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesiniń uıymdastyrylýy men jumys isteý qaǵıdalaryna» sáıkes terrorızmge qarsy operasııanyń quqyqtyq rejımi engizilýin eskere otyryp, Astana, Almaty, Qaraǵandy jáne Kókshetaý qalalarynyń Shanhaı yntymaqtastyq uıymynyń sammıtin ótkizý obektilerinde 2 shildeniń 00 saǵat 01 mınýtynan bastap 4 shildeniń 23 saǵat 59 mınýtyna deıin terrorıstik qaýiptiliktiń birqalypty («sary») deńgeıi belgilenedi.

Birqalypty («sary») deńgeı ýákiletti memlekettik organdardyń uıymdastyrýshylyq, ákimshilik jáne jedel is-sharalar keshenin ótkizýdi kózdeıdi, atap aıtqanda: - jekelegen aýmaqtarda kólik quraldary men jaıaý júrginshilerdiń qozǵalystaryna shekteý engizedi; - kınologııa qyzmetiniń mamandaryn tarta otyryp, kóshelerde, alańdarda, stadıondarda, skverlerde, saıabaqtarda, magıstraldi temirjol jelilerinde, temirjol vokzaldarynda, avtovokzaldarda, áýejaılarda, metropolıten obektilerinde, buqaralyq jáne jappaı is-sharalar ótetin oryndarda patrýlderdi kúsheıtedi; - jarylǵysh qurylǵylardy anyqtaý jáne joıý boıynsha terrorıstik turǵydan osal obektilerge jáne adamdar kóp jınalatyn oryndarǵa, buqaralyq jáne jappaı is-sharalarǵa qatysýshylardyń qozǵalýlarynyń negizgi baǵdarlaryna tekserý júrgizedi; - áýejaılarda, metropolıten obektilerinde, temirjol vokzaldarynda jáne avtovokzaldarda jete tekserý is-sharalaryn ótkizý barysynda arnaıy tehnıka quraldaryn paıdalaný arqyly rejımdik sharalardy kúsheıtedi.

-Arnaıy memlekettik jáne quqyq qorǵaý organdarynyń jumysyna túsinikpen qaralaýlaryńyzdy jáne olardyń qyzmetkerleriniń zańdy talaptaryn saqtaýdy suraımyz, - delingen UQK málimdemesinde.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir