• USD 468.56

  • EUR 497.56

  • RUB 7.3

  • CNY 67.18

25 Shilde, 14:30:57
Almaty
+35°
 

Qazaqstan Respýblıkasynyń Prezıdenti Qasym-Jomart Toqaev Almaty TV ujymyn telearnanyń 25 jyldyq mereıtoıymen quttyqtady, dep habarlady Almaty.tv.

Memleket basshysy tilek hatynda telearnanyń shırek ǵasyr ishinde kóptegen biregeı jobalardy júzege asyryp, ıgi bastamalar alańyna aınalǵanyn atap ótti. Almaty TV arnasynda kórermenderdiń kóńilinen shyqqan aqparattyq, saraptamalyq jáne mádenı-tanymdyq baǵdarlamalar az emes.  

«Búginde «Almaty» telearnasy óz aýdıtorııasy qalyptasqan respýblıkalyq medıaqurylymǵa aınaldy. Ujym ózine júktelgen mindetti abyroımen atqaryp keledi. Sizder aldaǵy ýaqytta da el múddesi úshin qyzmet etip, televızııa salasyn zaman talabyna saı damytýǵa úles qosa beresizder dep senemin. Ujymǵa tolaǵaı tabys jáne shyǵarmashylyq shabyt tileımin», - dedi Qasym-Jomart Toqaev.

Sondaı-aq telearna ujymyn Senat tóraǵasy Máýlen Áshimbaev, Májilis tóraǵasy Erlan Qoshanov, Premer-mınıstr Oljas Bektenov, Almaty qalasynyń ákimi Erbolat Dosaev, Mádenıet jáne aqparat mınıstri Aıda Balaeva, taǵy basqalar quttyqtady.

Saltanatty jıyn barysynda arnanyń barlyq qyzmetkerlerine alǵys hattar men vedomstvolyq marapat tapsyryldy.  

1999 jyly Almaty TV negizi qalandy. 2022 jyldyń tamyzynan bastap telearna memlekettik mártebege ıe boldy. Sol jyly Almaty TV telearnasyna rebrendıng jasaldy.

Sońǵy eki jylda telearna reıtıngi 70% paıyzǵa ósti. «K Research Central Asia» málimetteri boıynsha sońǵy jyly biregeı kórermen sany 4,2 mln bolyp, memlekettik tildegi ózindik óndiris mólsheri 83% jetti.

Telearna ujymy mereıli jyly áleýmettik jáne qaıyrymdylyq baǵytyndaǵy 40 shaqty is-shara ótkizýdi josparlap otyr. Mysaly, jańalyqtar efırinde «25 qaıyrymdy is» aıdary, al digital-platformada balalarǵa arnalǵan «Armanyńa jet» atty joba jaryqqa shyqpaq.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir