Almatydaǵy «Tıgrohaýd» bazary jańǵyrtylǵan soń jumys orny kóbeıedi

Almatydaǵy «Tıgrohaýd» bazary jańǵyrtylǵan soń satýshylar men satyp alýshylarǵa qolaıly jaǵdaı jasalady. Almatydaǵy «Tıgrohaýd» bazary jańǵyrtylǵan soń jumys orny kóbeıedi.

Jumys sapary jáne halyqpen eseptik kezdesý barysynda Almaty ákimi Erbolat Dosaev qalanyń Áýezov aýdanyndaǵy «Tıgrohaýd» bazaryn jańǵyrtý barysymen tanysty.

Jańǵyrtý aıasynda satýshylar úshin de, satyp alýshylar úshin de qolaıly jaǵdaı jasalady. Qazir bolashaq eki qabatty saýda ortalyǵynyń irgetasy quıylyp jatyr.

Jańǵyrtýdan keıin jumys ornynyń sany 100-den 160-qa deıin kóbeıedi.

Josparǵa sáıkes, saýda nysanyna baratyn joldarǵa asfaltbeton, al kireberister, alańdar men joldarǵa trotýar plıtasy tóseledi. Jobada 40 kólikke arnalǵan turaq qarastyrylǵan. Sondaı-aq, zamanaýı jeldetý, aýany baptaý jáne jaryqtandyrý júıelerin ornatý, sanıtarlyq toraptarǵa qoljetimdilikti qamtamasyz etý, demalys aımaqtaryn jaılastyrý josparlanýda. Qurylys-montaj jumystary 2024 jyldyń sáýir aıynda bastaldy. Ol 2025 jyldyń qazan aıynda aıaqtalady.

Aralaý barysynda qala basshysy Erbolat Dosaev irgeles aýmaqty abattandyrý men kógaldandyrýdy sapaly oryndaý mańyzdy ekenin atap ótip, Áýezov aýdanynyń ákimine qurylys jumystarynyń árbir kezeńiniń oryndalýyn baqylaýǵa alýdy tapsyrdy.

Ákim polısentrıstik damý aıasynda halyq osyndaı saýda keshenderine qol jetkizýi tıis ekenin atap ótti.

«Tıgrohaýd» fırmasy» JShS Bas dırektory Janar Qurabaeva qala ákimdigine alǵys aıtyp, ákimniń saýda ortalyǵynyń shatyryn paıdalaný jónindegi usynysy jańǵyrtý jobasynda júzege asatynyn atady.

«Tıgrohaýd» bazary 1992 jyly salynǵan. Qurylys salynǵan soń jóndeý jumystary tek 2000 jyly júrgizildi.

Bazardy jańǵyrtý baǵdarlamasy aıasynda konteınerler órtke qarsy, sanıtarlyq qaýipsizdik talaptaryna sáıkes keletindeı qolaıly jaǵdaı jasalyp, zamanaýı ǵımaratqa aýystyrylady.

Jobaǵa salynǵan jeke ınvestısııanyń jalpy somasy 2,4 mlrd. teńgeden asady.

Aıta ketetin nárse, búginde Almatyda saýda qyzmetin retteý týraly zańǵa sáıkes 33 bazar jańǵyrtyldy, taǵy 9-y 2025 jylǵa deıin jańǵyrtýdan ótedi.