• USD 468.56

  • EUR 497.56

  • RUB 7.3

  • CNY 67.18

25 Shilde, 15:23:26
Almaty
+35°

“Qyz zorlady” dep aıyptalǵan belgili qarjyger, treıder Dýman Erqanatty Almaty qalalyq soty aqtady. Bul týraly qarjyger áleýmetik jelidegi paraqshasynda habarlady.

О́ziniń sózinshe, ol treıdıng kýrsy aıasynda Araılym Tóregeldi degen áıelmen tanysyp, keıin kelisimmen jynystyq qatynasqa túsken. Alaıda áıel onyń ústinen zorlanǵany jóninde aryz túsirip, Dýman Erqanattan 100 mln teńge talap etken.

"Treıdıng salasyna qatysty suraqtarmen Tóregeldi Araılym Baýyrjanqyzy degen áıel hat jazyp júrdi. Bastapqyda kúdiktenbedim de, esh aram oıym bolǵan joq. Sondaı kezekti hat Araılymnan 2022 jyldyń 4 jeltoksan kúni saǵat 22:30 shamasynda  keldi. Sóılesip otyryp, ne istep jatqanymdy surady. Men úıde jalǵyz fılm kórip jatqanymdy aıttym. Ol birge kórgisi keletinin tuspaldady. Men qarsy bolǵam joq. Osylaı jarty saǵatta óz kóligimen úıime keldi. Bul kezde saǵat 22:50 shamasy bolatyn. Birge fılm qaradyq. Áńgimelestik. Sonymen, qyz emeýirin tanytyp, qalaýyn bildirgen soń jaqyndastyq. Shalys baspaıtyn adam bolmaıdy ǵoı. Jasy 30 shamasyndaǵy tek brendten kıingen , qymbat kólik mingen áıelge keregi tósek shyǵar dep oıladym. Men ony zorlaıtyndaı oǵan muqtajdyq joq edi. Qysqasy, qyzdyń kóńilin qaıtarǵym kelgen joq. Sálden soń Araılym qarnym ashty dep nazdanady. Ekeýmiz birge tamaqqa tapsyrys berdik. Bir saǵattan soń kýrer keldi. Birge tamaqtandyq. Jobamen túngi 01.30 shamasynda Araılym Tóregeldini kóligine deıin shyǵaryp salyp, alańsyz uıqyǵa jattym. Arada eki saǵat ótkende ústimnen aryz túskenin estidim. Araılym Tóregeldi zorlandym dep aryz jazǵan. Men qyzdan munysy jala ekenin aıtyp, ne keregin suradym. Ol menen 100 mln teńge talap etti", – dep jazdy ol.


Uzamaı kásipker qamaýǵa alynyp, Almaty qalasy Bostandyq aýdandyq №2 sotynyń sheshimimen aıypty dep tanylyp, 5 jylǵa bas bostandyǵynan aıyrylǵan. Aýdandyq sot sheshimine kelispegen kásipker qalalyq sotqa shaǵym túsirip, aqtalyp shyqqan. Endi aryzdanýshy tarap Joǵarǵy sotqa júginip otyr.

Májilis depýtaty, zańger Abzal Quspan apellıasııalyq alqanyń keltirgen ýájderin, sot aktilerin qarap shyqqanyn, oqıǵany qylmys deýge kelmeıtinin málim etken.

"Áýeli qylmys boldy ma, bolmady ma sony aıqyn bilip alý qajet. Eger qyzdy qınaǵan, erkinen tys kúsh qoldanyp jynystyq qatynasqa túsken bolsa, onda ol sózsiz – qylmys. Al eger kelisim bolsa qylmys emes. Men apellıasııalyq alqanyń keltirgen ýájderin, sot aktilerin qarap shyqtym. Jaǵdaı eshqandaı da qylmysqa kelmeıdi. Almaty qalasynyń apellıasıalyq soty durys sheshimge kelgen eken degen oıda qaldym", – dedi otandyq YouTube arnalardyń birine bergen pikirinde.

Dýman Erqanat – bırja naryǵy ar­qyly tabys tabýdyń jolyn úı­retip júr­­gen kásipker. Ol 10 jylǵa jýyq ýaqyt AQSh-ta turyp, álemdegi eń iri ári kóne bır­jalyq saý­da alańy – Nıý-Iork qor bır­jasy, qarjy ortalyqtary men ha­­­lyq­aralyq korporasııalardyń shtab-páteri or­nalasqan áı­gili Ýoll-strıt aýdanyndaǵy kompanııalardyń birinde bili­min jetil­dirgen.

"Qamshy" silteıdi
Ilmek sózder: Dýman Erqanat

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir