• USD 468.56

  • EUR 497.56

  • RUB 7.3

  • CNY 67.18

25 Shilde, 14:45:31
Almaty
+35°

14 Maýsym, 2024 NEWS

Qazaqstanda qoǵamdyq oryndarda dinı kıim kııýge tyıym salynýy múmkin

Mádenıet jáne aqparat mınıstri Aıda Balaeva din týraly jańa zańda qoǵamdyq oryndarda dinı kıim kııýge tyıym salý máselesi qaralatynyn aıtty.

Foto: ashyq derekkózden

Ortalyq kommýnıkasııalar qyzmetindegi brıfıng barysynda mınıstrden jańa zańǵa hıdjab, nıkab jáne sholaq shalbar kııýge tyıym salý engizile me degen suraq qoıyldy. Balaeva jańa zańǵa bul normalar usynylatynyn aıtty.

"Mindetti túrde tyıymdar bolady. Qoǵamdyq oryndarda dinı kıimder kııýge shekteý qoıylady. Men búkil álemdik tájirıbeni zerttedim, óıtkeni bul - ulttyq qaýipsizdikke qatysty másele. Qoǵamdyq oryndarda betin jaýyp júretinderdi taný óte qıyn. Bul másele qoǵammen birge talqylanatyn bolady. Biz ýákiletti organ retinde osy baǵyttaǵy jumysty kúsheıtý jáne osy baǵyttaǵy zańnamalyq normalardy qatańdatý boıynsha jumys isteıtin bolamyz", - dedi mınıstr.

Ol Qazaqstanda din máseleleri ózekti bolyp otyrǵanyn atap ótti. Mınıstrdiń aıtýynsha, qazir bıliktiń mindeti – halyqtyń dinı saýatyn arttyrý.

Mádenıet mınıstrliginiń basshysy osy jyldyń 1 qańtarynan qyrkúıek aıynyń sońyna deıin ınternette terrorızm jáne dinı ekstremızmdi nasıhattaıtyn 14 860 materıal anyqtalǵanyn habarlady. Bul, Balaevanyń aıtýynsha, dinı aǵymdardyń jumysy kúsheıgenin kórsetedi.

"Biz "Din týraly" Zańnyń jekelegen normalaryn qaıta qaraý baǵytynda jumys isteıtin bolamyz. Bizdiń qoldanystaǵy zańymyzda "destrýktıvti dinı aǵymdar" degen uǵym joq. Sondyqtan munda biz barlyq tarmaqtar boıynsha jumys júrgizýimiz kerek. Árıne, jurtshylyqtyń pikirin muqııat zerdeleý qajet", - dep qosty ol.

“Din týraly zańnyń normalary qashan qaıta qaralady?” degen suraqqa Balaeva jaqyn arada qolǵa alynatynyn aıtty, óıtkeni din týraly zańdy qaıta qaraý – depýtattardyń óz bastamasy.

Aıta keteıik, budan buryn májilis depýtaty Ermurat Bapı Qazaqstanda ýahabshylarǵa jaǵdaı jasap otyrǵan bılik ókilderi baryn aıtqan. Onyń pikirinshe, 12 jyl buryn – 2011 jyldyń 11 qazanynda qabyldanǵan «Dinı qyzmet jáne dinı birlestikter týraly» zańǵa tıisti ózgerister men tolyqtyrýlar engizýdiń qoǵamdyq qajettiligin kóteretin kez keldi.

Sondaı-aq, májilismen eks-prezıdent Nursultan Nazarbaev ýahabızmdi bılikti ustap turý úshin paıdalanǵanyn málimdedi.

"Qamshy" silteıdi
Ilmek sózder: hıdjab dinı kıim

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir