• USD 468.56

  • EUR 497.56

  • RUB 7.3

  • CNY 67.18

25 Shilde, 15:11:05
Almaty
+35°

14 Maýsym, 2024 NEWS

"Jol jabylyp, aýyldan shyǵa almaı otyrmyz": Qoıanqus turǵyndary dabyl qaqty

Almaty oblysy, Ile aýdanyna qarasty Qoıanqus aýylynyń turǵyndary «О́zimiz qaltamyzdan qarjy shyǵaryp jasaǵan jalǵyz jolymyz jabylyp qaldy.Endi qalaı júrerimizdi bilmeımiz, aspanmen ushyp júremiz ba?" dep daý kóterdi. 

Qoıanqus aýyly

Bir kósheniń jabylýy tek jalǵyz Qoıanqus aýylyna Jańa talap, Jańa dáýir, Yntymaq, Baıserke jıyny 12 aýyldyń turǵyndaryna zııanyn tıgizýde. Zırattan bólek, jańaǵy gazpromnyń qasyndaǵy jolmen qapshaǵaıǵa,  qalaǵa shyǵyp júrgen ol joldy kúni keshe jaýyp tastaǵan.

Aýyl turǵyndarynyń aıtýynsha, 1 túnniń ishinde turǵyndardyń júretin jalǵyz jolyn ákimdik "Kópirdi jóndeımiz" dep jaýyp tastaǵan. Aıaqasty mundaıdy kútpegen halyq ábiger kúıge túsken. Máseleni kóterip turǵyndar jınalǵanda qurylys ókilderi de, ákimdik tarapynan da tóbe kórsetkender bolmaǵan. Budan soń alǵa tartqan halyq endi kimge baryp bazynamyzdy aıtamyz dep ashyndy. 

Al jergilikti bıliktegiler turǵyndarǵa qosymsha jol salyp jatqandyqtaryn aıtady.

Almaty qalasy Jetisý aýdany ákimdiginiń kommýnaldyq-sharýashylyq bóliminiń basshysy Nurdáýlet Qaldarov:

Jolymbet kóshesinde ýaqytsha avtokólikterdiń júrýine shekteý qoıyldy. Sebebi, bul kópir avtokólikterdiń júrýine qaýipti bolǵandyqtan, kópirdi jóndeý jumystary júrgiziledi. Jospar boıynsha bul kópir 31 tamyzǵa deıin jabylady. Al turǵyndardyń qalaǵa qatynaýy úshin qosymsha joldardy salyp jayrmyz, – deıdi

Dese de, Qoıanqus aýylynyń turǵyny, belgili jýrnalıst Qarlyǵash Zaryqqanqyzy aýylǵa jedel-járdem kólikteri men órt sóndirý kólikteri kelmeıtinin, kelgen kúnde de aýylǵa kire almaıtynyn aıtady.

- Jekemenshik jer dep janynda turǵan kósheni de jaýyp tastady. Qasynda janarmaı quıý beketi tur.  Ol jerde qazir qurylys júrgizip jatyr. Qurylystyń zańsyz ba, zańdy ma ekenin surap prokýrotýraǵa suranys ta jiberdik.  Ol jerdi memleket alýy kerektigin de aıtyp birneshe jyl boldy aıtyp jatyrmyz.  О́ıtkeni jol túsýi kerek. Qyzyl syzyqta turǵan jer ekeni belgili bolyp tur.  Biraq quzyrly organdardyń shara qoldanar túri joq. Mysaly, meniń múmkindigi shekteýli qyzym bar.  Qaı ýaqytta qaı kezde «prıstýp» ustaıtynyn bilmeımiz. Ustap aýyrǵan kezde adam tózbeıtin jaǵdaıda qalaǵa bolnısaǵa baramyz.  Jedel járdemdi tosýǵa da bolmaıdy.  Ondaı sátte bizge ár sekýnd baǵaly. Turǵyndardyń qalaǵa qatynaıtyn jalǵyz joly Kemel shaǵyn aýdanyndaǵy kópir edi.  Ony Jetisý aýdany ákimdigi apatty jaǵdaıda tur dep jaýyp tastady. Ol kópirdi jospar boıynsha 31 tamyzda beremiz deıdi.  Biraq kópir qurylysy áli bastalǵan joq. Qoıanqustyń ózinde ǵana elý myńdaı turǵyn bar.  Kórshi aýyldar Jańa dáýir,  Jańa talap, Yntymaq taǵy basqa birneshe aýyl turǵyndary osy kópirmen júredi.  Sonda qanshama halyq osy kópir arqyly qalaǵa ótetin. Al Jetisý aýdany ákimdigi kópir qurylysyn bastaýǵa asyqpaıdy.  Qosymsha jol saldyq dep halyqty zırattyń ishimen júrýge májbúrlep otyr.

Bul jerde qansha múmkindigi shekteýli jandar bar. Kúndelikti dıalızge baratyn,  kúndelikti jedel járdem kómegine júginýge týra keletin naýqastar bar.  Bul másele sheshimin tabýy kerek.  Qoıanqus qazir jańadan qurylǵan Alataý qalasyna kirgen aýyl.  Alataý qalasynyń ákimdigi de bul jaıttan habardar. Sondyqtan Jetisý aýdany ákimdigimen birlesip jedel túrde máseleni sheship beredi dep oılaımyz.
Jalpy,  Alataý qalasy prezıdenttiń tapsyrmasymen qurylǵan ekonomıkalyq damýshy qala bolýy kerek.  Jaýaptylar «bul jerdi ekinshi Sıngapýr jasaımyz degen josparymyz bar» dep júr.  Biraq myna túrimizben Sıngapýrdy beker armandap júrgenimiz aıǵaq, - deıdi.

Bıfat Eltaeva

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir