Talant pen erekshelik: Qonaev qalasyndaǵy daryndy oqýshylar jetistikteriniń forýmy

2024 jyldyń 13 maýsymynda Qonaev qalasynyń Mádenıet úıinde «Daryndy oqýshylar jetistikteri forýmy» atty aıtýly shara ótti. Bul daryndy balalardy qoldaýǵa jáne yntalandyrýǵa baǵyttalǵan shara.
Halyqaralyq, respýblıkalyq olımpıadalarda óńirimizdiń abyroıyn asqaqtatqan 145 oqýshy úshin, oqý jylynyń aıaqtalýy erekshe tańdanys pen qurmetke bólenýge sebep boldy. Joǵary nátıjelerge qol jetkizip jatqan daryndy balalar sanynyń udaıy kóbeıýi, memleket basshysy Qasym-Jomart Kemeluly Toqaevtyń bilim salasyna erekshe kóńil bólip, qoldaý kórsetip otyrǵanynyń kórsetkishi. Joǵary nátıjege jetýge oblystyń ár aýdanyndaǵy bilim oshaqtary, sonyń ishinde Ile, Qarasaı, Eńbekshiqazaq aýdandary, «Arystan» lıseıi men «Dana» jekemenshik mektepteri jaýapty. Oblys qazynasyna kóptegen marapattar men jetistikter ákelgen Álhanbek Malkeev atyndaǵy oblystyq «Bilim-Innovasııa» lıseıin erekshe atap ótýge bolady. Sharaǵa oblystyq «Bilim-Innovasııa» lıseıiniń muǵalimderi – Tamara Eshanova men Aýkenov Bekzat, Ile aýdany No38 mekteptiń zań pániniń muǵalimi – Narymova Leıla, Eńbekshiqazaq aýdany, Rahat No1 orta mektebiniń hımııa pániniń muǵalimi - Nurtaı Ernazar qatysty.
– «Mektep qabyrǵasyndaǵy bıik jetistikter – Memleket basshysy Qasym-Jomart Kemeluly Toqaevtyń bilim salasyna degen erekshe kózqarasy men qoldaýynyń jemisi. Sonyń arqasynda oblysymyzda bilim salasy júıeli damyp keledi. О́tken oqý jylynda bilim sapasy 67,2% (2023 j. – 65,8%) qurady. Bıyl mektep bitirgen 14 myń túlektiń 1206-sy «úzdik attestat», 946 bala «Altyn belgi» tósbelgisi ıegeri atandy», - dedi óńir basshysy.
- «Eńbekshiqazaq aýdanyndaǵy №1 Rahat orta mektebiniń oqýshysy, aýyldyq spartakıadada respýblıka boıynsha jalǵyz «absolıýttik jeńimpaz» Abdýhamıt Nurıslamdy qosa alǵanda, erekshe kózge túsken oqýshylardy atap ótkim keledi; «Bilim-ınnovasııa» lıseıiniń oqýshysy Halel Mýslım, Talǵar aýdany Gagarın atyndaǵy №8 mektep-lıseıiniń oqýshysy Aleksanova Angelına, «Arystan» lıseıiniń oqýshysy Ábdikesh Mıras, Qonaev qalasy orta mektep-gımnazııasynyń oqýshysy Qoıshyman Aızere, Ile aýdany 38-shi gımnazııa oqýshylary Bekmuhamet Aısha men Fýrsova Mılana. Olardyń talanty men jetistikteri jınalǵandardyń maqtanyshy men tańdanysyn arttyrdy», - dep atap ótti Marat Sultanǵazıev. Saltanatty jıynda jeńimpazdarǵa Almaty oblysy ákiminiń atynan alǵys hattar tabys etildi.
-«Men Qonaev qalasynyń orta mektep - gımnazııasynyń oqýshysymyn. Daryndy balalar tiziminde bolý men úshin úlken mártebe! Ustazdarymnyń kórsetken qoldaýlary men bergen bilimderi arqyly men bolashaqta kóp jetistikterge qol jetkize alatynyma senimdimin!», - dedi Aǵylshyn tili seksııasy boıynsha respýblıkalyq olımpıada jeńimpazy Qoıshyman Aızere.
Is-shara qorytyndylaý men qurmet kórsetý ǵana emes, sonymen qatar elimizdiń bolashaǵy men baılyǵy – daryndy balalardyń baǵa jetpes jetistikteri ekeni eske salyndy.