13 Maýsym, 2024 NEWS
![](/media/2024/06/13/crop-34_141_877x1558_8813e015-32aa-4022-b99f-4e8db7374636.jpeg?width=600&height=480)
Foto: Almaty qalasy ákimdigi
Sońǵy 5 jyldaǵy jergilikti bıýdjettiń kiristi tolyqtyrý boıynsha Almaty ákimdigi turaqty jumys júrgizýde. Bul týraly Almaty Máslıhatynyń kezekti sessııasynda Tekserý komıssııasynyń tóraǵasy Altaı Berdiqulov málimdedi.
Onyń aıtýynsha, 2023 jyly megapolıstiń jergilikti bıýdjetine túsetin túsimderdiń qosymsha rezervteri izdestirildi.
Bul ákimshilik aıyppuldardy óndirip alýdyń ulǵaıýy, sonyń esebinen 2023 jyly bıýdjetke túsimder 14,9 mlrd teńgeni qurady.
Qalanyń saýda bazarlaryn kóleńkeden shyǵarý Almatynyń jergilikti bıýdjetindegi qarajat kólemin ulǵaıtýǵa múmkindik berdi. Memlekettik kirister departamenti (MKD) júrgizgen saýda bazarlaryn pasporttaý nátıjesinde «kóleńkeden» 19 898 saýda núktesi shyǵaryldy.
Taǵy bir rezervtik kóz jer salyǵynyń stavkalaryn qaıta qaraýǵa baılanysty. Jer salyǵynyń bazalyq stavkalary jáne baǵa syzbalaryna qala boıynsha salyq salý maqsatynda jerdi aımaqtarǵa bólý sońǵy ret 2015 jyly qaıta qaraldy (aımaqtarǵa bólý syzbasy 2020 jyly qaıta qaraldy). Erbolat Dosaevtyń tapsyrmasy boıynsha MKD men birlesip jumys júrgizildi múlik salyǵy boıynsha qosymsha kózder anyqtaldy. Osylaısha, Almaty bıýdjeti 352 mln teńgege tolyqty.
Jergilikti bıýdjetke túsetin túsimder jarnama esebinen de artty.
2022 jyly syrtqy jarnamanyń 60%-y habarlamasyz jáne tıisti ruqsatsyz ornalastyrylǵan. Nátıjesinde 2023 jyly jarnamadan naqty salyq túsimi 4,1 mlrd teńgeni qurady, bul 2022 jylmen salystyrǵanda 600 mln teńgege artyq.
«Jergilikti bıýdjettiń kúrdeli qosymsha resýrstary halyqtyń ómir súrý sapasyn jaqsartýǵa baǵyttalǵan. Al 19 myńnan astam saýda núktesiniń «kóleńkeden» shyǵýy qalany damytýǵa uzaq merzimdi oń mýltıplıkatıvti áser beredi», - dep túıindedi sózin A. Berdiqulov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir