Qajylyqqa arnaıy vızasyz barǵandarǵa aıyppul salynady – QMDB

Qajylyq jasaýǵa jáne zańsyz ruqsat alýǵa tyıym salý saıasaty Mekke qalasyn, ortalyq aımaqty, qasıetti jerlerdi, Haramaın temirjol stansııasyn, baqylaý-ótkizý pýnktterin, tekserý ortalyqtaryn jáne ýaqytsha baqylaý beketterin qamtıdy. Bul ereje 2024 jyldyń 20 maýsymyna deıin kúshinde bolady.

"Qajylyq erejelerin buzǵan kez kelgen adamǵa – azamattar, turǵyndar nemese kelýshilerge – 10 000 saýdııalyq rıal, ıaǵnı 2666 AQSh dollary, aıyppul salynady. Azamattyǵy joqtar óz elderine deportasııalanady jáne belgili bir merzimge deıin Koroldikke qaıta kirýge tyıym salynady. Sonymen qatar, qajylyq tártibin buzǵandardy ruqsatsyz tasymaldaǵan kez kelgen adam 6 aıǵa deıin bas bostandyǵynan aıyrylyp, 50 000 rıalǵa deıin, ıaǵnı 13 328 AQSh dollary, aıyppul tóleıdi jáne tasymaldaý úshin paıdalanylǵan kóligi tárkilenedi”, –  delingen QMDB habarlamasynda.

Qoǵamdyq qaýipsizdik qyzmeti, eger zań buzýshy rezıdent bolsa, ol jazasyn ótegennen keıin deportasııalanatyndyǵyn jáne zańǵa sáıkes belgili bir merzimge deıin Koroldikke qaıta kirýine tyıym salynatyndyǵyn habarlady.

Tasymaldanǵan adam sanyna baılanysty tártip buzýshylarǵa salynatyn aıyppul mólsheri de óspek.

Eske salsaq, Saýd Arabııasy koroldiginiń qajylyq jáne ýmra mınıstrligi ýmra, týrıstik, jumys, otbasylyq, tranzıttik jáne basqa da vıza túrleri qajylyqqa quqyq bermeıtinin málimdegen.