31 Qańtar, 2024 Dástúr
Foto: check-point.kz
Qazaqta qyzdan týǵan ul men qyz "Jıen" dep atalady. Jeti ata saltyn berik ustanǵan qazaq halqy jıendik tuqym jalǵastyǵyna jeti urpaqqa deıin ádemi ataý bere bilgen.
Sonymen…
- Qyzdan týǵan ul men qyz – Jıen;
- Jıenniń balasy – Jıenshar;
- Jıenshardyń balasy – Degenshar;
- Degenshardyń balasy – Kógenshar;
- Kógenshardyń balasy – Kóbeńshar;
- Kóbeńshardyń balasy – Tebenshar;
- Tebenshardyń balasy – О́leńshar dep atasa, segizinshi urpaǵyn «qaımana» deıdi eken.
Atam qazaqta "Jıen el bolmaıdy, jelke as bolmaıdy", "Jıen ne el bolmaıdy jaıly bolsa, jelke nege as bolmaıdy maıly bolsa" degen támsil bar.
Odan bólek "Jıenquryq" degen tamasha dástúr bar. Jıen alǵash naǵashy jurtyna qydyryp kelgende naǵashy jurty jıenge qyryq serkesh enshi beredi. Mal ataıdy sony "Jıenquryq" dep ataǵan.
Al jıen sheshesiniń bar týystaryn "Naǵashy" dep ataıdy,"Naǵashy" dep shaqyrady, "Naǵashy" dep tanıdy.
Bir aýyz sózben aıtqanda, uldan tuǵan bala - nemere, qyzdan týǵan bala - jıen dep atalady. Oǵan bola daýlasýdyń da jaýlasýdyń da, talasyp tartysýdyń da esh reti joq.
Bul jerde biz bir uǵymdy ári anyq ári qanyq bilip alǵanymyz jón bolar. Jıen de nemere de urpaq. Tek qana uldan týǵan men qyzdan týǵan urpaqty ajyrata bilý úshin jeke-jeke ataýlar qoldanylǵan. Onymen nemereni bıik , jıendi tómen qoıyp otyrǵan joq. Qazaq halqy úshin uldan taraǵan urpaq pen qyzdan taraǵan urpaqtyń ar- jigin adastyrmaı bilip , týystyq syılastyqty berik saqtap júrý bárinen mańyzdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir