Qyrǵyzstan qaýipsizdik komıteti Forbes tizimindegi qazaqstandyq kásipkerge izdeý jarııalady

Qyrǵyzstannyń Ulttyq qaýipsizdik komıteti Forbes Qazaqstanda Top-25-ke kirgen beldi bıznesmen Vladımır Jumanbaevqa izdeý jarııalady. 

"Verteks Gold" kompanııasynyń ıesi Vladımır Jumanbaev Kamchy Kólbaevtyń uıymdasqan qylmystyq tobyn qarjylandyrdy degen kúdikke ilindi. Derekterge saı Jumanbaev Kólbaevtyń qylmystyq áreketi týraly bile tura birlesken bıznes-jobalardy júrgizý úshin onymen baılanys ornatqan.

Tergeý málimetteri boıynsha, Jumanbaevtyń Qyrǵyzstandaǵy altyn óndirýshi kompanııasy 2021 jyldan 2023 jylǵa deıin aı saıyn 1 mıllıon somdy qylmystyq uıymǵa jiberip otyrǵan.

"Kásipkerdiń ózi Kólbaevpen Ystyqkóldegi "Bars" demalys ortalyǵynda birneshe ret jeke ushaqpen kelip, kezdesýler ótkizgen", – delingen habarlamada.

Tergeý sonymen qatar Jumanbaevtyń kompanııasy Qyrǵyzstannyń memlekettik organdarynan kiristerdiń naqty kólemin jasyrǵanyn kórsetti.

Jumanbaev Qyrǵyzstanda sot sheshimimen syrttaı qamaýǵa alyndy. Kásipker memleketaralyq, onyń ishinde Interpol jelisi boıynsha izdeýde.