Astanada "saryǵa" ótken kólikterge 340 mıllıon teńge aıyppul salynǵan

Naýryzda Astana polısııasy turǵyndarǵa baǵdarshamnyń sary túsine ótýge tyıym salynǵanyn eske saldy. Zańbuzýshylyqty kameralar avtomatty túrde túsire bastady.

Degenmen, kóptegen júrgizýshi áli kúnge deıin "saryǵa" ótip jáne aıyppul alyp júr.

"Shynymdy aıtsam, áli úırene almaı jatyrmyn. Osy ýaqytqa deıin sary túske ótýge bolatyn jáne ol úshin eshqandaı jaza bolmady. Biraq qazir ereje ózgerdi jáne bul úırenshikti bolmaı jatyr. Men ony osy ýaqytqa deıin bir ret ǵana buzdym. Biraq, kelisemin, engizilgeni durys boldy", - dep moıyndady astanalyq júrgizýshi Sergeı.

Aıta ketý kerek, qazirdiń ózinde Astananyń barlyq derlik qıylystary baǵdarshamnyń tyıym salynǵan túsine ótken kólikterdi avtomatty túrde anyqtaıdy. Bir jyl ishinde qaıtalap jasalǵan quqyq buzýshylyq úshin 15 AEK (55 380 teńge) kóleminde aıyppul qarastyrylǵan.

Tilshiniń resmı saýalyna jaýap bergen Astana Polısııa departamenti tirkeý engizilgennen beri qalada 13 myń 200-den astam zańbuzýshylyq tirkelgenin habarlady.

"3 naýryzdan bastap "Sergek" apparattyq-baǵdarlamalyq keshenderiniń jumysyna mundaı zańbuzýshylyqtardy tirkeý engizildi. Osy kezeńnen beri baǵdarshamnyń sary túsine ótkender 13 myń 200-den asty, jalpy somasy 343 mıllıon 300 myń teńge bolady.

Sondaı-aq, Astanada osy ózgeris engizilgennen beri jol-kólik oqıǵalarynyń sany azaıǵanyn habarlaımyz (jaraqatpen bir ǵana JKO tirkeldi)", - dep habarlaıdy Astana jol polısııasy.