Qazaqstannyń Týyn "shúberekke" teńegen tıktokerge úkim shyqty

Is materıaldarynan aıyptalýshy osy jyly sáýir aıynda telefonynyń kamerasyna Saýran aýdany Ibaata aýylyndaǵy ortalyq kóshedegi Týdy túsirip alǵany belgili boldy.

"Ol sol kúni TikTok-taǵy jeke paraqshasyna vıdeony jarııalap, "Jogaryga ilip koıptyǵo táeýlszdik trıapkasn" dep jazǵan", - delingen sot habarlamasynda. 

Adamdar jappaı narazylyq bildire bastaǵan soń akkaýnt ıesi vıdeony óshirip tastaǵan. Osydan keıin oǵan QR Qylmystyq kodeksiniń 372-baby ("Memlekettik rámizderdi qorlaý") boıynsha aıyp taǵyldy.

Sot ony kináli dep tanyp, 1 jyl merzimge bas bostandyǵyn shekteý jazasyn taǵaıyndady. Qamaý túrindegi bultartpaý sharasy eshqaıda ketpeý týraly qolhatqa ózgertildi. 

Sottyń úkimi zańdy kúshine engen joq.