06 Mamyr, 2024 Barlyq aımaqtar
Reseı Ýkraına prezıdenti Vladımır Zelenskııge izdeý jarııalady
Reseı ishki ister mınıstrligi Ýkraına prezıdenti Vladımır Zelenskııge izdeý jarııalady. Derekqordaǵy aqparatqa "RIA Novostı" nazar aýdardy, - dep habarlaıdy Qamshy.kz aqparat agenttigi Azattyq radıosyna silteme jasap.
Foto: ashyq derekkózden
Zelenskııge qandaı qylmystyq bap negizinde izdeý jarııalanǵany jáne onyń aty-jóni izdeý qoryna qashan engizilgeni belgisiz.
2022 jyly sáýirde Reseı tergeý komıtetiniń jetekshisi Aleksandr Bastrykın Zelenskııdiń BBC-ge bergen suhbatynda aıtqan "Ýkraınanyń Reseımen soǵysqa aldyn ala daıyndyǵy" týraly sózin tekserýdi tapsyrǵan. Tekserý nátıjesi habarlanbady.
Ýkraınanyń burynǵy prezıdenti Petr Poroshenkoǵa da izdeý jarııalanǵan.
Keıingi birneshe aıda Reseıde Ýkraınanyń qazirgi jáne burynǵy basshylaryna izdeý jarııalanǵan. 3 sáýirde izdeý qorynda Ýkraınanyń ulttyq qaýipsizdik jáne qorǵanys keńesiniń jetekshisi Aleksandr Lıtvınenko bary belgili bolǵan.
Izdeý qorynda sonymen birge Ýkraına qorǵanys mınıstrligine qarasty barlaý basqarmasynyń jetekshisi Kırıll Býdanov, Ýkraına qaýipsizdik qyzmetiniń jetekshisi Vasılıı Malıýk, Ýkraına qaýipsizdik qyzmetiniń burynǵy jetekshileri Valentın Nalıvaıchenko jáne Vasılıı Grısak ta bar.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir