02 Sáýir, 2024 Barlyq aımaqtar
Eks-prezıdent Nazarbaevtyń balaýyz eskertkishi joǵaldy
Astanadaǵy Qazaqstan Qarýly Kúshteriniń memlekettik áskerı-tarıhı murajaıynyń ekspozısııasynan alty jyl buryn ornatylǵan eks-prezıdent Nursultan Nazarbaevtyń balaýyz fıgýrasy joǵalyp ketti
Foto: ashyq derekkózden
Buǵan deıin Tuńǵysh Prezıdenttiń balaýyz fıgýrasy murajaı zaldarynyń birinde ústel ústinde bolǵan. Endi Nazarbaevtyń ornyna sol ústelde armııa generaly,keńes jáne qazaqstandyq áskerı kósem, Qazaqstannyń birinshi Qorǵanys mınıstri, Keńes Odaǵynyń Batyry jáne Qazaqstannyń Halyq batyry Saǵadat Nurmaǵambetovtiń balaýyzdan jasalǵan eskertkishi tur.
Mýzeıdegiler Tengrinews.kz tilshisine eks-prezıdenttiń fıgýrasy ekspozısııadan alynyp tastalǵanyn, endi ol olardyń qorynda ekenin aıtqan. Resmı túsinikteme alý úshin Qorǵanys mınıstrligine júginýdi suraǵan.
Nazarbaevtyń balaýyzdan jasalǵan fıgýrasy mýzeıde 2018 jyly paıda bolǵan. Jumystyń avtory-gıperrealıst sýretshi Aıdos Esmaǵambetov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir