01 Naýryz, 2024 Barlyq aımaqtar
Qazaqstandyq FlyArystan ushaǵy basqa ushaqpen soqtyǵysa jazdady
22 aqpanda Almatyǵa bet alǵan FlyArystan ushaǵy Mýmbaı áýejaıynyń ushý-qoný jolaǵynda Air India áýe kompanııasynyń Airbus A319 ushaǵymen soqtyǵysyp qala jazdady. Bul týraly Stan.kz aqparat agenttigi habarlady.
Ashyq derekkózden
BAQ málimetinshe, qazaqstandyq ushaq ushý-qoný jolaǵyna kezekte turýy kerek bolatyn. Alaıda pılot ushý jolaǵyn shatastyryp alǵan.
Bul ýaqytta Air India áýe kompanııasynyń ushaǵy jyldamdyq ala bastaǵan. Alaıda pılot FlyArystan bortynyń qozǵalysyn baıqap, jyldamdyǵyn kúrt báseńdetip, kókke kóterilmeı, soqqtyǵystyń aldyn alǵan.
Úndistan avıasııasy oqıǵany tergeýdi bastady.
«FlyArystan kompanııasy Chhatrapatı Shıvajı halyqaralyq áýejaıymen birlesip, oqıǵanyń mán-jaıyn anyqtaý jumystaryn júrgizýde», – delingen habarlamada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir