• USD 468.56

  • EUR 497.56

  • RUB 7.3

  • CNY 67.18

22 Sáýir, 14:01:40
+35°

29 Aqpan, 2024 Áleýmet

Bıyl qys qatty. Juttan jylqy qyrylyp jatyr

Aqmola oblysynyń tórt aýdanynda mal ashtan qyrylyp jatyr.

vıdeodan kadr

Aqmola oblysynyń Birjan sal aýdanynda jylqy qyrylyp jatyr. Qystaqtaǵy maldy aýylǵa jetkizýge jol joq. Belýardan keletin qalyń qar qysta jaýǵan jańbyrdan siresip qatyp qalǵan. Sol sebepti tebindegi jylqy azyq tappaı ashtan ólip jatyr, dep habalady KTK telearnasy.

Malynan aıyrylǵan sharasyz sharýalar ákim-qaralarǵa jalynyp, kómek surap otyr.

– Sizderden kómek suraımyz. Oblys apparaty, nege tótenshe jaǵdaı jarııalamasqa, myna jaqqa tehnıka jiberýge bolmaıdy, tym bolmaǵanda joldardy ashyp bergende. Aqsha, azyq surap jatqan joqpyz. О́zimiz satyp alamyz. Qanshama halyqtyń maly bar. Bıyl qys sondaı qatty bolyp jatyr. Jalǵyz mende emes, kórshi aýyldardyń bárinde mal qyrylyp jatyr, – deıdi sharýa Qaırat Begalın.

Tuıaǵymen tarpyp jerden azyǵyn tabatyn jumyr tuıaqtylardyń bıyl qar qarpyǵannan basqa amaly bolmapty. Qar qalyń túskenimen qoımaı, jańbyrdan soń úskirik aıaz aınalany kók muzǵa aınaldyrǵan.

Máselen, Ańǵal batyr aýylynan 20 shaqyrym jerde ǵana jaıylǵan jylqyny aýylǵa jetkizýge jol joq. Ábden ashyqqan mal kóterem bolyp qulap, qar astynda qalǵan. Bıeler qulyn tastap, tól basy kemı túsken.

Al Birjan sal aýdanynyń ákimi bir emes, eki ret jol ashtyq dep otyr.

Qyrylǵan jylqy aýrýdan emes, ashtan ólip jatqanyn mal dárigerleri de rastaıdy:

– Mal shyǵyny bar ekeni ras. Ol bizdiń 4 aýdanda tirkelip otyr. Bizdiń málimetimiz boıynsha, mal shyǵyny 200 bastan asyp ketti. Eshqandaı aýrýdyń belgisi joq. Mal ashtan qyrylyp jatyr. Ony saraptama júzinde dáleldep bere alamyz. Mal ashtan qyrylyp jatyr. Soıǵanda qaryndarynda qardan basqa eshteńe joq, – deıdi Aqmola oblysy veterınarııa basqarmasynyń basshysy Talǵat Júnisov.
"Qamshy" silteıdi
Ilmek sózder: jylqy qyryldy jut

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir