• USD 468.56

  • EUR 497.56

  • RUB 7.3

  • CNY 67.18

24 Sáýir, 23:52:32
Almaty
+35°

Ál-Farabı atyndaǵy QazUÝ-dyń JOO-ǵa deıingi bilim berý  berý fakýltetiniń ustazdar ujymy muzbalaq aqynymyz Muqaǵalı Maqataevty eske alý qurmetine arnalǵan onkúndik is-shara uıymdastyrdy. Sharanyń ashylý saltanaty aqynnyń týǵan kúnine oraılas 9 aqpan kúni fakýltettiń akt zalynda ótti. Saltanatty sharada Muqaǵalı óleńderin kórkem mánerlep oqýmen qatar, jyrsúıer qaýym «Aqqýlar uıyqtaǵanda» poemasynyń sahnalyq kórinisin kórermen nazaryna usyndy.

Onkúndik mádenı-tanymdyq shara konserttik baǵdarlamamen qatar áleýmettik-tárbıelik máni zor is-sharalardy qamtydy: «Qazaqtyń qara óleńi – qudyretim» atalymy boıynsha M.Maqataevtyń shyǵarmalarynan kórkem sózdi mánerlep oqý baıqaýy; sheteldik stýdentter úshin «Kel, saýatty jazaıyq» taqyrybynda memlekettik tilde M.Maqataev týraly mańyzdy málimetter qamtylǵan mátinnen dıktant jazý jarysy; «Aqıyq aqyn – Muqaǵalı» atty taqyrypta aqynnyń ómiri men shyǵarmashylyǵy týraly esse jazý saıysy; «Meniń mýzam» atty kórkemóner art-baıqaýy; «Poezııa menimen egiz be ediń?» taqyrybynda kýratorlyq tárbıe saǵattary uıymdastyryldy.

Onkúndik sońynda «Men ómirdi jyrlaý úshin  kelgenmin» atty qorytyndy ádebı-mýzykalyq kesh ótkizildi. Qorytyndy keshtiń sońy shara barysynda óz ónerimen tyńdarmanyn tamsandyrǵan jeńimpazdarǵa ár atalym boıynsha marapattar men dıplomdar berilip, barlyq qatysýshylarǵa alǵyshattar tabystaldy. Bilim alýshylarǵa rýhanı berer azyǵy mol, joǵary deńgeıde uıymdastyrylǵan áleýmettik-tárbıelik jáne ádebı-mádenı máni zor is-shara boldy.

Ál-Farabı atyndaǵy QazUÝ-dyń JOO-ǵa daıyndyq kafedrasynyń aǵa oqytýshylary Naralıeva R.T., Tıleýjanova G.T., Begalıeva A.K.

 

 

"Qamshy" silteıdi
Ilmek sózder: Almaty qalasy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir