22 Aqpan, 2024 Barlyq aımaqtar
Memlekettik qyzmet salasyndaǵy kıberqylmys: UQK kúdiktini ustady
Tintý kezinde odan 24 uıaly telefon, 4 júıeli blok, 4 flesh-karta, 9 noýtbýk, planshet alyndy.
QR UQK baspasóz qyzmeti
2024 jylǵy 30 qańtarda Ulttyq qaýipsizdik komıteti prokýratýra organdarynyń úılestirýimen memlekettik elektrondyq qyzmet kórsetý salasynda kıberqylmys jasaýda kúdikti bolyp tabylatyn Qaraǵandy turǵynyn ustady.
"Tintý kezinde 24 uıaly telefon, 4 júıeli blok, 4 flesh-karta, 9 noýtbýk, planshet alyndy. Aldyn ala baǵalaýǵa sáıkes, zalaldyń somasy 49 mln teńgeden artyq qurady", delingen Ulttyq qaýipsizdik komıteti baspasóz qyzmetiniń habarlamasynda.
Qylmystyq kodekstiń 207-baby 3-bóligi 2-tarmaǵymen qarastyrylǵan qylmystyq quqyqbuzýshylyq belgileri boıynsha sotqa deıingi tergep-tekserý júrgizilýde.
QR Qylmystyq-prosestik kodekstiń 201-baby 1-bóligine sáıkes ózge aqparat jarııa etýge jatpaıdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir